طريقة سلطة كلوسلو ( سلطة الكرنب بتاعة كنتاكى )

[Half-Magic]

الطريقة...

قطع ( الكرنب ) حوالي كرنبه صغيره تكفي 4 اشخاص الى شرائح ناعمه
بواسطة اليد او الميكسر الخاص بالبشر للخضروات
ومن ثم ابشر 4 جزرات متوسطه فوق الكرنب
بعد ذلك ضعي 4 ملاعق خل اسود وملعقه كبيره سكر وملعقه ملح حسب الرغبه
ويترك الخليط مدة ربع ساعه
بعد ذلك يوضع مقدار مايونيز حسب اللزوم مع التقليب ومن ثم تترك ربع ساعه بالثلاجه لحين الاستخدام
وصحتين وهنا... و ياريت تعملوا حسابى فى شوية (ok) (ok) (ok)

[maysam]

اهلا هالف ماجيك

تسلم ايديك وانا بموت في الكولسلو

وطريقتك نفس طريقتي بس انا ما بضيف لها الملح على شان ملح وسكر ما ينفعش مع بعض

وما تخافش عاملين حسابك بكل اكلات المطعم

انت بس هات الوصفات وتعال(g)

تحياتي لك

[lionking]

بجد بجد بحبها موت ... و ما كنتش اعرف ان ممكن تتعمل في البيت ... بس سيادتك انشاءالله هتيجي تعملهالي في البيت علشان انت عارفني خيبه في المطبخ ....يا هاف ماجيك ...

و على فكره مؤمن بيعملها أحسن يا محمد من كنتاكي ..... موش قولنا بلاش امريكاني بأه ....:o :o (s4) o:

[مايـــاااااا]

تسلم ماجك انا بموت فيهاا الكولسلو
وبطلبها دايما يعملوهاا فى البيت عندناا وبيعملوهاا حلوة زى كنتاكى تماام والله ماتقدر تفرق بينهم ابداا
وعارف ساعات كنتاكى بيغير ويقدم سلاطة فاصولياا بيبقى يوم عكننه لانى الكنتاكى مش بيبقى له طعم الا مع سلاطة الكولسلو بالذاات

ايه ده انا بأعمل اعلان ولا ايه والاعلانات هناا ممنوعه
هههههههههههههههههههههه
نورت ماجك شيف اون لاين وعاوزبن صنف بتعمله انت حقيقى بأيدك وبتحبه وشاطر فيه ومنتظرينك اوعى تنسى وصف دقيق من اول المقادير وخطواات العمل الى بالهنااء والعافيه

[Bodda]

طبعا وصفة محمد مظبوطه وزى الفل
لان السكر والملح بيستعملوا سوا فى وصفات كتير
Sweet and sour

ومساء الفل
(slp)

[Half-Magic]

الف شكر للجميع على المشاركة
شكر مايا و لك أيضا ميسم
وكمان الف شكر لك يا مها و أحمد
... و انا بحب الكلوسلو قوى قوى

بتقول ايه يأحمد ( بس سيادتك انشاءالله هتيجي تعملهالي في البيت علشان انت عارفني خيبه في المطبخ )
أنت خيبة برده أنت ناسى البطاطس بتاعتك اللى بتعملها كل مره لما بكون بايت عندك... هاهاها
ده انت أستاذ و رئيس قسم .. هاهاها(ok) (ok) (ok) (ok)

[Half-Magic]

شكرا بودا على المشاركة ...
و شكر على التشجيع ... و عندك حق .. السكر والملح بيستعملوا سوا فى وصفات كتير

(g) (g) (g)

[Bodda]

شكرا هاف ماجيك
بس مستنى وصفات جديده منك
واضح انك برضه غاوى
ياللا ياعم مستنيين التقيل
ومساء الفل
(slp)

[Half-Magic]

مساء العسل يا بودا ... و الف شكر على المشاركة...

من ناحية غاوى انا غاوى (ok) هاهاهاها ... و ان شاء الله اكيد فى مواضيع جديدة..

[Half-Magic]

Up

(ok) (ok)

[Half-Magic]

محدش عايز كلوسلو و لا ايه

[عتاب]

هو انت بتحبها يا هاف!!!
انا بصراحة مش بقدر اكلها خالص
كرنب وسكر ازاي يعني
اكلتها مرة واحدة ومن بعدها حررمت هههه
على العموم تسلم ايديك على الموضوع
بس انت قاعد من 2003 تاكل السلطة دي
حرااااااااام هههههه

[سها soha]

اية دة هى ممكن نعملها فى البيت

طب هتتلع حلوة

على العموم جارى التجربة ...........

بس انت كدة بتقطع على

امريكاااانا........(عربية مية فى المية )

شكراياهاف ماجيك هحاول اسيبلك شوية )

تقبل مرورى

[محي الدين عبد ا]

علي فكره من اساسيات الكلو سلو الملح والسكر وهي مصنفه من المانيو السويت اند سور
برافو عليكي الوصفه جيده ولكن عايز اعرف ماهو الخل الاسود
مالداعي لوضع الخل اساسا مع وضع المايونيز والخل من اساسيات المايونيز
عموما هذا مجهود ممتاز وعلي فكره متيجو نعمل مطبخ للمنتدي والكل يساهم ليستفيد الاعضاء وعلي فكره انا ابتديت هذا اليوم ووضعت اول وصفه وهي من مطبخ الشيف ابو البنات العبد لله


معكم الشيف : ابو البنات احد اعضاء المنتدي
وشيف محترف لاحد سلسله المطاعم الشهيره بالقاهره

وعلي فكره كنت الشيف العمومي لسلسله مطاعم مؤمن في بدايات المجموعه

وكل سنه وانتم طيبين بالعيد الكبير

[Half-Magic]

المشاركة الأصلية بواسطة عتاب

هو انت بتحبها يا هاف!!!
انا بصراحة مش بقدر اكلها خالص
كرنب وسكر ازاي يعني
اكلتها مرة واحدة ومن بعدها حررمت هههه
على العموم تسلم ايديك على الموضوع
بس انت قاعد من 2003 تاكل السلطة دي
حرااااااااام هههههه

طبعا يا عتاب ... ده انا بعشق الكلوسلو ده و لازم كل ما أكل فى كنتاكى أو اى محل يكون الكلوسلو موجود أول حاجة على قدامى ... ههههههههه... ممكن تقولى مدمن كلوسلو مش من 2003 بس لأ ده من قبل كدا كماااان