نصيحه لكل بنت على الفيس بوك

[messi100]

لسلام عليكم ورحمة الله

لكل بنت علي الفيس بوك ياريت تقري الرسالة دي وتفهميها قوي طبعا اكيد مش انتى البنت

دي اكيد بس ياريت تبعتيها لكل بنت عندك وكل بنت علي الفيس بوك

منار بنت عندها 16 سنة دخلت الفيس بوك بسبب اصدقائها اللي قالوا انه حلو وجميل دخلت

الفيس بوك وحطت صورة رومانسية عبارة عن وردو حمراء جميلة وقررت انها مش هتضيف غير

اصدقائها واقاربها وبس وفعلا ده اللي حصل وبقت كل يوم بقي تحط اغانى وفيديوهات

رومانسية وصور رومانسية اصلها علي كلامها بنت رومانسية قوي وبعد فترة كده لقت واحدة

صاحبتها عملة تاج ليها علي صورتها وروه رحلة كانوا مع بعض فيها ولقت تعليقات ن ناس

اصدقائهم وناس من برة وكده المهم قالت طيب اشمعنى انا قامت بدأ ت في رفع صور ليها كتير

جدا جدا وبدأت بقي تقبل صداقات كل الناس ولقت الشباب بدأت تعلق ايه القمر ده ايه الجمال

ده بجد بسم الله ماشاء الله عليكى قمر منور الفيس بوك وكلام من اللي انتوا عارفينه وطبعا بما

انها رومانسية فده كان عجبها قوي وكل ما تسمع كلام اكتر تحط صور اكتر وتلاقي كلام احلي

كل يوم وبعد فترة دخلت الفيس بوك لقت بنت ضايفة الأيميل بتاعهاواتكلمت معاها

وكان بينهم الحوار ده

منار .. هاي

مروة .. هاي

منار .. انتى مين

مروة .. انا مروة من مصر وانتى ؟

منار .. انا منار من القاهرة

مروة .. انا 30 سنة متزوجة وانتى

منار .. انا 16 سنة

مروة .. ياااااااااه انتى لسه صغيرة

منار ..هههههههههههه بكرة اكبر

مروة .. تعرفي يا منار انى كنت زيك كده بحط صوري وكلها حتى في البيت بس بعد فترة حصلت مصيبة

منار .. مصيبة ايه ؟

مروة .. لقيت شاب بيكلمنى وبيقولي انا لازم اقابلك قولتله انت مش محترم

قالي خلاص براحتك بس صورك دي هتبقي علي كل المنتديات وهفضحك

ولقيته بعتلي صوري فعلا عريانة وكأنها حقيقة

منار .. يانهاري طيب انا الحق اشيلهم بقي قبل ما اي حد يعمل اي حاجة

مروة .. بعد ايه بقي ما خلاص

هتقابلينى امتى يابنت انتى

وفجأة بعت ليها كل صورها وهي عريانة وكمان ايه بيكلم الناس علي اساس انه هو هي

وطبعا بما ان البنت صغيرة وشم عارفة تفكر قالتله خلاص انا هقابلك

وفعلا راحت وقابلته ولقيته انسان مش محترم خالص وطلب معاها انها تطلع معاه شقة وللأسف

يا جماعة طلعت وبجد دي قصة حقيقة وكانت مكتوبة في احد الصحف المصرية ولقت معاه

شباب تانيين وطبعا انتوا عارفين حصل ايه وقالتله خلاص بقي هات الصور قالها صور ايه انتى

هتفضلي معانا هنا تخدمينا وفضلت لأن خوفها من اهلها كان اقوي من تفكيرها وطبعا خسرت

شرفها وخافت ترجع لأهها فقررت انها تكون مع الشباب دي وبدأو الشباب اصلا بيتاجروا فيها

وتحولت من مجرد فتاة فيس بوك الي فتاة ليل وكانت جريمة قوية بس الشباب اتحاكموا ب س

عشان الفناة كانت قاصر بس الحقيقة انها كانت فاهمة ومدركة خطورة اللي بتعمله

والله ده ممكن يحصلك يمكن انتى تعرفي تتصرقي تصرف تانى بس ليه اصلا صورك علي الفيس عشان تسمعي كلمة حلوة

اه لا انتى اللي كل اللي عندك بنات بس طيب اهو بنت وطلعت ولد

لا انا معنديش غير قرايبي وبس

طيب بس اعرفي ان صورك ممكن تتاخد كوبي علي الأقل صورة البروفايل

وبعدين بقي
اوعي يغرك اسم اكونت اي شاب او حتى بنت ولا صورته ولا اي شئ واوعي تثقي في اي حد

مهما كان وياريت الجملة بتاعة انت اول شاب اكلمه دي منسمعهاش ولا نقولها

ومتقوليش بجد انا معرفش انا بكلمك ليه

ساعتها تأكدي انك منومة مغناطيسيا وحتى ان كان الشاب محترم انتى بتديله مجال انه يتحول

حافظى علي نفسك عشان انتى جوهرة ولازم تصونيها

قبل ما تتحولي زي منار
__________________

عالم الانترنت ذلك العالم الوهمى قد تلتقى به اناسا كثيره ولكن لا تعش حياه الوهم قد يتسائل الجميع ما المغزى من هذا الكلام ان كلامى لكل انسان يظن انه بتحقيقه شيئ فى العالم الوهمى قد يحقق ايضا فى العالم الواقعى وارد على هذا الكلام بمقوله للثروه حسابات اخرى
لاتفخر بعدد الاصدقاء فيه او بكثره معارفك فاليوم انت تصادقهم وفى نفس اليوم قد يصادقون غيرك فان رحلت من هذا العالم كانك لم تكن فيه بالنسبه لهم فانت لن تكون اكتر من مجرد شخص يصاحبونه اليوم وينسونه الغد
فان ادركت كلامى فافهم جيدا حقيقه نفسك ولا تستمر فى خداع نفسك

[عزأبوخضير]

فان ادركت كلامى فافهم جيدا حقيقه نفسك ولا تستمر فى خداع نفسك

شكراًلكي سيدتي على هذا التنبيه الذي لأبد من أي فتاة أوشخص أن يأخذ به

تقبلي مروري

[messi100]

المشاركة الأصلية بواسطة عزأبوخضير

فان ادركت كلامى فافهم جيدا حقيقه نفسك ولا تستمر فى خداع نفسك

شكراًلكي سيدتي على هذا التنبيه الذي لأبد من أي فتاة أوشخص أن يأخذ به

تقبلي مروري

شكرا على ردك المهذب هذا ولكن هناك معلومه يجب ايضاحها لك هى اننى لست فتاه
انا شاب ولعلك لم تلاحظ هذا الاسمmessi نسبه الى لاعب الارجنتين وليس messنسبه الى فتاه

[shimoo82]

ربنا يستر ع الجميع يارب

شكرا جزيلا اخي الكريم

جزاك الله خيرا

[رؤية]

اهلا اخى
مش عارفه الشباب مالهم اتهبلوا ولا ايه جرى اقصد الشباب اللى من النوع اللى ف القصة

هو القصة جميلة وفيها عبرة وكل حاجة وجزاك الله خير على التنبيه

بس فى اخطاء موزعة على عدة جهات وبتتكرى فى كل القصص دى بصراحة

اولا الشاب الوضيع اللى بيسرق صور بنت ويهددها او يوصل لرقمها والكلام ده
بصرف النظر عن انه مش متربى ومعندوش دم وكل الكلام ده

لكن البنات متعرفش انها لما تتعرض لموقف زى ده تبلغ الشرطة علطول وهما هيعرفوا يجيبوه ويبقى يقابلنى لو حط ايده على كيبورد بعد كده

او الحل التانى مش بطال بردو تنزل تقابله مع اخوها ومجموعه من فاعلى الخير يضربوه علقة محترمة تليق بامثاله وبردو بعدها يقابلنى لو حط ايده على كيبورد تانى

البنت من حقها تحط صورها وتتبادلها بين اصحابها احنا بقى مجتمعات مراهقة يبقى نربى اللى مش متربى مش هنحبس نفسنا فى بيتنا ونتعامل على اننا عار والعالم حوالينا بيتقدم كل ثانية

وعايزة اقولك ان فى ناس لا بتبقى حاطة صورها لشباب ولا فيس بوك ولا حاجة وبردو صورها بتتسرق
الاساليب كتير والعقول النيرة عندنا مبتفكرش غير فى الاذية ياريتنا بنستغل التفكير والمجهود اللى بنضيعه فى تفاهات زى دى فى حاجات مهمة مكانش ده بقى حالنا

جزء كبير مهم فى الموضوع هو الاهل واللى رعب البنت اللى بتهدد من اهلها بيخليها تتصرف غلط ومتبلغش وتضيع حقها وتبقى وسيلة سهلة للابتزاز
وده لان فى معظم عائلاتنا الكريمة البنت لو قالت لابوها او اخوها انا اتعرضت لموقف كذا هيكون اول رد انتى اللى بعتيله صورك وانتى اللى غلطانة وانتى اللى مش محترمة واحنا غلطانين اننا سمحنالك تستخدمى الكمبيوتر وانتى فضحتينا وانتى وانتى وانتى

ومش متصور ان الغلط مش غلطها اصلا وان المجرم هو اللى سرق ولازم يتعاقب والشباب عارفين النقطة دى كويس وبيستغلوها فى ابتزاز البنات

ارجوكم يا جماعه ثقوا فى بناتكم اللى انتم ربتوهم واحموهم ودافعوا عنهم ومتشيلهومش غلط مش غلطهم
حتى لو كانت غلطت وبعتت صورتها لشاب اوهمها انه بيحبها وهيتجوزها متخليهاش تستمر فى الغلط وتكون ضحية ابتزاز شاب حقير احميها واكيد هتتعلم من التجربة كتير وهتعرف قد ايه اهلها بيحبوها وبيخافوا عليها وبيساندوها

بلاش الرد الوحيد يكون العنف جسدى او معنوى والحل مش حبس اولادنا ربنا ادانا عقل نفكر بيه

وعى وفهم وقرب وحب اولادك قبل ما تحاسبهم على الغلط فهم ابنك ان سرقة صور البنات وتهدديهم جريمة فهم بنتك ان لكل شئ حدود ولازم تبقى حذرة

وبلاش نخضع لتهديد اى مجرم علشان منتحولش فى يوم لمنار ضحية مجتمعها المتخلف

[نور الليل]

شكرا ميسى عالنصيحة
عجبنى اوى رد رؤيه
فعلا لو الاهل مقربين من اولادهم كويس مش هيبتزوا بنت بسرقة صورها لان اكيد اهلهم هتنصحهم والبنت مش هتنجرف وراء اى ابتزاز لانها مش هتخاف وهتصارح اهلها اللى بيتقوا فيها

[messi100]

شكرا ليكوا يا جماعه
ردودكم كلها جميله

[Abdou Ashour]

بجد موضوع جامد
ويارب يكون تنبيه لاخواتنا البنات
لان بجد الموضوع خطير جدا جدا جدا
وشكرا ليك يا ميسى

[linda]

شكرا ميسى عالتنبيه

وفعلا مش المفروض ان البنت تحط ليها اى صورة عالفيس او حتى على اى منتدى

[LENS]

فعلا الحكايه دي منتشره جداا
بس في بنات ع الفيس حاطين صورهم وشباب بيشكروا فيهم وانتي قمر وانتي عسل وانتي وانتي وكلام ساعات بيبقي خارج يعني في ناس بتقبل كده
بس نصيحه جميله جداااا
ربنا يهديهم ويهدي الجميع

[RoOoKa]

رؤيتى
ميرسى والله ريحتينى من الكتابة
برافو عليكى هو دا

شكرا ميسى لموضوعك و لحرصك كمان

[lena_rose]

فعلا هو دا الى بيحصل البنات حابه يكون ليها صور عالفيس علشان ده يقولها كلمة اعجاب وده يغازلها وواحد يطلب يكلمها ...بس استفادت ايه يعنى غير كلام ...وهتستفيد ايه لو حطت صورها عالفيس غير كلام يعنى ولا حاجه ....مع احترامى لرأى رؤيه واتفاقى معاها فى بعض النقط .لكنى لا اوافقها على انو البنات مش غلطانه والشباب هما الى غلطانين ..طب ليه انا محميش نفسى من الاول ومعرضش نفسى عالنت وابقى عرضى لاى انسان ..ليه اعرض نفسى لمواقف وحشه وانتى عارفه يا رؤيه ان مهما عملنا مش هنقدر نغير كل حاجه فى شبابنا انتى بتتكلمنى على اخلاق خرافيه غير موجوده فى مثل هذه الايام ......اذا البنت هى الى تقدر تحمى نفسها .....منار مكنتش هتتعرض للأذيه اذا حافظت على نفسا ومنشرتهاش ......مع انو واضح جدا انها بنت طيبه وسهله

[رؤية]

المشاركة الأصلية بواسطة RoOoKa

رؤيتى
ميرسى والله ريحتينى من الكتابة
برافو عليكى هو دا

شكرا ميسى لموضوعك و لحرصك كمان

اى خدمة يا فندم
ابعتيلى انتى بس الموضوع اللى عاوزة تردى فيه وملكيش دعوة
بعد الامتحانات نتفاهم

نورتى قسمك يا شابة

المشاركة الأصلية بواسطة lena_rose

فعلا هو دا الى بيحصل البنات حابه يكون ليها صور عالفيس علشان ده يقولها كلمة اعجاب وده يغازلها وواحد يطلب يكلمها ...بس استفادت ايه يعنى غير كلام ...وهتستفيد ايه لو حطت صورها عالفيس غير كلام يعنى ولا حاجه ....مع احترامى لرأى رؤيه واتفاقى معاها فى بعض النقط .لكنى لا اوافقها على انو البنات مش غلطانه والشباب هما الى غلطانين ..طب ليه انا محميش نفسى من الاول ومعرضش نفسى عالنت وابقى عرضى لاى انسان ..ليه اعرض نفسى لمواقف وحشه وانتى عارفه يا رؤيه ان مهما عملنا مش هنقدر نغير كل حاجه فى شبابنا انتى بتتكلمنى على اخلاق خرافيه غير موجوده فى مثل هذه الايام ......اذا البنت هى الى تقدر تحمى نفسها .....منار مكنتش هتتعرض للأذيه اذا حافظت على نفسا ومنشرتهاش ......مع انو واضح جدا انها بنت طيبه وسهله

اهلا لينا
انا مبقولش للبنات حطوا صوركم وانتشروا يا بنات بالعكس
بس كمان بقول ان الحذر ما يمنعش المصايب وقلة الضمير
ممكن تتصورى وانتى ف الشارع او فى الكلية او ف رحلة او ف فرح او اى حاجة وصورك تتسرق وتقع فى ايد حد معندوش دم ولا ضمير ويدعى انك انتى اللى بعتيهمله
فى الحالة دى هنعمل ايه اكيد الحل مش اننا نلبس نقاب ونقعد فى بيوتنا وحتى اللى عملوا كده صورهم موجودة على الانترنت واتاخدت من داخل مجتمعات البنات فقط

ساعتها منخليش الضحية هى المخطئة ونسيب الجانى
وحتى فى الحالة التانية اللى زى منار واللى حاطة صورها بمزاجها مش هقولك ان دى حرية شخصية وان من حقنا نحط صورنا طالما مفيهاش شئ خادش للحياء زى هيئتنا واحنا ماشيين ف الشارع واللى الناس كلها بتشوفنا بيها

بس بردو فى الحالة دى اللى حصل حصل لازم نحل الموضوع بشكل عقلانى العصبية مش هتفيد ولا هترجع حاجة

على فكرة فى ناس مدونين بنات حاطين صورهم وطلعوا فى كذا لقاء تليفزيونى اقل ما يقال عنهم انهم قمة الادب والاحترام والثقافة
العيب مش فى اننا نحط صورنا فى وقت زى ده مينفعش ننغلق ونقفل على نفسنا عشان نكون فى امان وبردو مش هنكون

بالنهاية هى حرية شخصية وان كان على رأيى الشخصى فانا مش مع وضع الصور وده ما يقللش من احترام اللى بتعمل كده فى نظرى

نورتى

[lena_rose]

بالظبط ده الى انا عاوزه اوصله شكرا رؤيه

[رؤية]

المشاركة الأصلية بواسطة lena_rose

بالظبط ده الى انا عاوزه اوصله شكرا رؤيه

الشكر لله