مربى الجزر ( الحقوا الموسم )

[Bodda]

2 كيلو جزر
2 كيلو سكر
نصف ملعقة شاى من القرفه الناعمه أو القرنفل حسب المزاج
عصير ليمونه

الطريقه
يقشر الجزر ( ويفضل غسيله جيدا بدون تقشير للاحتفاظ بفوائد القشرة )
يقطع حلقات صغيره
يسلق فى ماء يكفى لتغطيته
ينشل من الماء
يضاف للماء ناتج السلق السكر ويترك على النار
يختبر كل فتره باسقاط نقطة من الملعقة حتى نجد النقطة بها مطاطية خفيفه
يضاف عصير الليمونه للمحلول ويترك على النار 5 دقايق
يضاف الجزر المسلوق والقرفه أو القرنفل للمحلول على النار 15 دقيقه
يعبأ فى برطمانات جافة وهو ساخن للتعقيم
يغطى بعد ان يبرد ويوضع فى مكان جاف او بالثلاجه
والف هنا وشفا
ومساء الفل
(slp)

[Half-Magic]

يا عينى عليك يا بودا .. و نعم المربات ..ممكن ساندوتش ؟؟ هاهاها..

الف شكر بودا على هذه الطريقة الجميلة...(g) (g)

[شكولاته]

امممم دي باين عليها هتبقي لذيذة

انا هخليهم يجربوها

مرسيي يابودا تسلم ايدك

تحياتي

[Bodda]

الف شكر ماجيك وياريت تعجبكوا
بس ماتكترش منها علشان الرجيم

شيكو العزيزه
شكرا على زوقك
وعلى فكره الكميات ممكن طبعا تعديلها بنفس النسب
يعنى ممكن نص كيلو جزر مع نص سكر وهكذا
وانتى ست العارفين بقى
وصباح الفل
(slp)

[Yawer]

بودا انت عارف انا زمان من فترة كبيرة قوى عملت مربة الجزر دى وطلعت هايلة والعيال اخواتى حبوها جدا

حبيت اتفلسف فعملت مربة عنب اى والله مربة عنب
طلعت زى البتاع الخرز اللى بنضعه على كرسى السيارة دا عارفة

انت عارف عشان اطلع شوية منها كسرت البرطمان اللى كانت فيه


على فكرة بجد مش هزار مربة الجزر دى جميلة جدا جدا جدا وعن تجربة (g)

[Bodda]

وبرضه مربى العنب هايله
بس لما يطلع العنب اكتبهالكم على طول
ومن غير تكسير برطمانات
لان واضح انك ركزت المحلول لدرجة التسكر علشان كده مسك جامد
ولا يهمك
وصفات بودا مافيهاش اى عقده
ومساء الفل
(slp)