أعتذار لا بد منه للجرب ولكل الجربانين

[dr_sho]

حاول كدة
وقول لحد يا جربان
سيكون رد الفعل واحد من أثنين
أما أن يصفعك على وجهك
أو يكون أكثر تهذيبا ويقول لك :أنت قليل الأدب
تفتكروا ليه رد الفعل العدوانى ده لكلمة بسيطة ( أنت جربان)
ليه رد الفعل نفسه ما بيظهرش لما تقول لنفس الشخص ( أنت سخن ) أو (أنت عندك برد)
السبب بسيط
لأن الجرب من الأمراض صاحبة السمعة السيئة
وأنتم عارفين بقى أن أهم حاجة عندنا فى مصر هى السمعة
وسمعة الجرب السيئة ناتجة لأنه مرتبط أرتباط وثيق بعدم النظافة
ولأنه بالتالى يظهر فى الطبقات الأجتماعية المنخفضة
وهاذين السببين كافيين تماما لكى يكسباه سمعته السيئة
ولكى يجعله وصمة عار فى تاريخ أى فرد منا

والجرب مظلوم
اى والله مظلوم
ليس تحيزا أو حبا فيه
وليس لأننى ولا سمح الله يعنى مثلا جربانة
ولكن لأنه مرض فى منتهى البساطة
وعلاجة فى منتهى السهولة
ومنتهى السرعة
تخيل أن علاج الجرب نهائيا لا يستغرق أكثر من 3 ساعات
ليس هناك أى مرض فى الدنيا ممكن يتعالج فى 3 ساعات الا الجرب
شفتوا قد أيه مريح وضيف خفيف
يعنى لو حضرتك كنت الساعة 7 جربان تبقى الساعة 10 زى الفل وأحسن من أنظف نظيف

أول ربع ساعة
أقعد فى بانيو مليان صابون (سوفت)
وثانى نصف ساعة
أفتح دش الميه السخنة وأمسك الليفة وهاتك يا دعك
والساعتين اللى بعديهم
بتدهن على جسمك لوشن معين كعلاج فعال اسمه (ويلكنسون)
والربع ساعة الأخيرة
تعمل شاور من غير صابون
وتجفف نفسك
وتحط بودرة تلك

وآخر خطوة
أنك تاخذ الليفة بطرف أيدك والهدوم اللى كنت لابسها
وهوب فى كيس وعلى الزبالة دوغرى
و.......
خلاص
تخيل

الا يستحق الجرب منا أعتذارا؟

[وافي بلال]

موضوع مفيد وعلمي يا دكتورتنا ...

بس والله الجرب الايام ده , بطل بالشيء المظهري .. ولكن بقت عقولنا جربانه ..

لنفس الاسباب انها مليانه وسخ وقذاره ..

اشكرك على الموضوع

والى الامام

تحياتي اختي

goood/

[dr_sho]

والله بقى يا وافى
جرب الأجسام وقدرنا عليه
جرب العقول والقلوب بقى
أعتقد أنه محتاج أكثر من 3 ساعات
أكتر بكتير جدا
شكرا يا أخى
حمانى الله وأياك من جميع أنواع الجرب

[Lonely Doc]

طبعا معلومات هامة لكل "الجربانين"

واطرف ما فيها انها جاءت فى اسلوب شيق وغير منفر

واود من زميلتى العزيزة ان توضح لنا طرق العدوى بالجرب باسلوبها الشيق حتى يتلافها الناس(اصل بصراحة ناس كتير ما عندهاش 3 ساعات فاضية )


تحياتى وتقديرى

[وافي بلال]

اشكرك دكتورتنا ..


وانا مع اخونا لولني دوك , وعاوزين نشوف , طرق التفادي .


ولو في طرق تفادي العدوى بتاعة العقول , يبقى مليح .. goood/

[dr_sho]

يا سلام يادكتور محمود
على عينى وعلى رأسى
لأ بس مش ممكن يعنى يكونوا ال3 ساعات حاجة كتيرة
دا أقل مجهود ممكن الواحد يبذلوا
فى سبيل أنه ما يبقاش جربان

[dr_sho]

حااااااااااااضر يا وافى
بس موضوع العقول والقلوب ده بقى ممكن ما يكونش طب خالص
وده يمكن أمره أسهل
فى حاجة بتنظف جرب العقول والقلوب
علاج مجانى
متوافر للجميع
فى كل مكان وكل وقت
علاج نازل من فوووووووووووووق
من عند ربنا
علاج مكتوب فى كتاب تكاد حروفه تغسل الصدور وتزيل غبار النفوس
علاج أسمه كتاب ربنا

[dr_sho]

أحبتى
الغير جربانين _بالطبع_
وقاكم الله الجرب وشره
وحتى يقيننا الله مرضا ما
لا بد أن نأخذ بالأسباب
أى نبعد عن الشر ونغنى له
وعلشان نبعد عن الشر
لازم الأول نكون عارفين هو جاى منين

يعنى بالعربى كده
أيه هى طرق العدوى بالجرب
العدوى تنتقل بالأتصال
سواء المباشر او الغير مباشر
الأتصال المباشر أنك تلمس جلد المصاب بأيدك
يعنى أحتكاك مباشر
خذوا بالكم بقى بلاش موضوع السلام بذمة والأحضان
من بعيد لبعيد أأمن
وما حدش دلوقتى يضمن حتى أخوه
الأتصال غير المباشر
أنك تستخدم ملابس المصاب وتنام على سريره
تسرح شعرك بمشطه
وهكذا
يمكن أن تنتقل العدوى من خلال أدوات المريض ومستلزماته الشخصية

بس زى ما موضوع العدوى سهل كدة
ربنا _ والحمد لله _ حامانا منه
عارفين أزاى
أذا كانت العدوى للمرة الأولى
يعنى أذا حضرتك يعنى عمرك ما أجربيت قبل كدة
فأن الميكروب لا يستطيع دخول جسمك لمدة طويلة قد تصل الى الشهر
وخلال هذه المدة فأن أى غسيل لجسمك بالماء والصابون يزيل الميكروب فورا
يعنى أذا حصل مثلا وقابلت واحد صاحبك ما شفتهوش من زمان
وكان واحشك قوى لدرجة أنك أخذته بالحضن من غير ما تشم رائحته اللى فايحة
وبعدين لاقيته بيبتسملك وبيقولك شفت
مش أنا جربان
لأ ما تعيطش
روح أغسل أيدك فى ساعتها ولا كأن حاجة حصلت
الموضوع والحمد لله سهل
وما زلت أظن أننا مدينين للجرب بالأعتذار

[balwaaa]

كالعادة موضوع مهم باسلوب شيق جدا جدا
اعتقد لو ان د.شو بتدرس طب كلنا بنفهم اسلوبها يعجبني
تحياتي و سلاماتي و تشكراتي (kiss)

[dr_sho]

الله يحفظك

تحياتى وسلاماتى وتشكراتى
(خير يا بلوى....أنت كنت فين فى تركيا.......)

[وافي بلال]

الرسالة الأصلية كتبت بواسطة dr_sho
حااااااااااااضر يا وافى
بس موضوع العقول والقلوب ده بقى ممكن ما يكونش طب خالص
وده يمكن أمره أسهل
فى حاجة بتنظف جرب العقول والقلوب
علاج مجانى
متوافر للجميع
فى كل مكان وكل وقت
علاج نازل من فوووووووووووووق
من عند ربنا
علاج مكتوب فى كتاب تكاد حروفه تغسل الصدور وتزيل غبار النفوس
علاج أسمه كتاب ربنا

الله على كلامك

خلاص اشهد لك

وحقفل فمي

ما عاد في حديث

(ok)

[dr_sho]

وافى
تواصلك الدائم
وتواجدك المستمر
يستوجب كل تقدير وأحترام

[وافي بلال]

اشكرك

بس بقي انت تستحملي غلاظتي شوي ..

انا ما اقدر امنع نفسي



بس الاعضاء خلاص تعودوا ...

[الفراشه]

شكر ليكي بس بصرحة ما كملت قراية الموضوع احس جسمي هرشني
شكلي راح افل موضوعك واقوم اخذ دوش لاني بجد اتارفت