الوش قمر ....الجسم ليمونة....والرجل عودين كبريت

[المرعوبة مرمر]

فوفو يا فوفو
إلحقنى يا فوفو:(
هات توتو ولولو
وتعالوا وشوفوا

شفت أنا سمراية
زى القمراية

الوش مدور
سبحان من صور

والجسم ليمونة
أنا مش مجنونة

والرجل برسم بسيط
زى عيدان الكبريت

فوفو يا فوفو
إلحقنى يافوفو:(


ويعينى عليك يا مرمر

[أبو العريف]

يا دى التخريف
يا حفيظ يا حفيظ

إنت يا زنانة
ولا 100 دبانة

ليه بس الزيطة
وهبدك فى الحيطة

التشخيص ده بسيط
مش محتاجة وسيط

بس الأمر خطير
مش محتاج تفكير
والحل فى التدبير
الأكل يبقى عصير
والنوم عالحصير

السمنة دى أمر مريع
بتخللى الجسم فظيع

والله بقى مفهومة
مش لازم المعلومة

ولا طب ولا إجتهادات
وصحيح بلد شهادات

[dr_sho]

يا سلام يا مرمررررررر
ايه الحلاوة دى
وكانك رسمتى لنا لوحة
بالضبط كدة قولتى كلام مكتوب فى الكتب
الوجه زى القمر يعنى مدور
زى كدة يعنى


والجسم متختخ زى الليمونة بالنسبة للرجل اللى تشبه أعواد الكبريت فى وصفها
الكلمتين اللى إنت قولتيهم
لو ترجمناهم بالأنجليزى
هنلاقى الكتاب بيتفتح معانا على صفحة واحدة
مرض اسمه متلازكمة كوشنج
ماتتخضيش من الإسم
ده مرض بيظهر لما بينقص هرمون معين فى الجسم
الهرمون ده اسمه مينرالو كورتيكويد
اللى بتفرزه الغدة الموجودة فوق الكلى
ولو حصلت لخبطة فى الهرمون ده
يعنى نسبته زادت أو قلت
على طول يظهر لينا المرض
وتتغير حاجات كتيرة فى الجسم

عندك مثلا
متلازمة كوشنج اللى إحنا بنتكلم عليها
بيزيد فيها الهرمون ده
قوام تلاقى حاجات كتير اتلخبطت
توزيع الدهون فى الجسم مثلا
تلاقى الدهون اتوزعت فى أماكن معينة وسابت اماكن تانية
تلاقي الدهون فى الوجه خلته مدور
وفى البطن والصدر والكتف دورتهم وخلتهم زى الليمونة
أما الرجل فهى غلبانة ومسكينة
ما فيش دهون
تلاقيهم ناشفين ومعصعصين كدة بالضبط زى عود الكبريت الخشبى

ادى يا ستى الشكل اللى انت شفتيه ورعبك بالشكل ده

[dr_sho]

لا يافوفو
صحيح آه أنت عارف كل حاجة
بس معلهش بقى
دى فاتتك

دى مش سمنة يا أبو العريف
السمنة تلاقيها متوزعة فى كل الجسم
يعنى عمرك شفت واحد تخين فى بطنه ورجليه لأ

تعيش يا بطل
وتاخد غيرها
(kiss)

[المرعوبة مرمر]

وصحيح يا دكتورة شووووووو
ما صرخش يا خلق يا هوووووووو؟؟


بس


فيه حاجة تانية كمان
خلتنى يجيللى جنان

حاجة غريبة فى الرقبة
خلتها شبه البقرة

أنا آسفة للتشبيه
بس أنا محتاجة تنبيه

أصل أنا ما بنامش الليل
فى حياتى بدوق الويل

أنا خايفة مالأعراض
خايفة يجيلى أمراض

ويعينى عليك يا مرمر:(

[dr_sho]

آآآآآآه يا مرمر
إنت قاصدك
الرقبة زى البقرة
قصدك ان فيه قطعة كدة زى ما تكون وارمة تحت الرقبة من الخلف
كدة يعنى

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

وكدة برضه



هى فعلا زى ما بتقوللى كدة
زى رقبة الجاموسة أو البقرة
ومن غير أسف
لأن برضه دى حاجة مكتوبة فى الكتب
لأن الجاموسة رقبتها بتبقى تخينة ومرتفعة عن باقى الجسم
والظاهرة دى برضه نتيجة تكدس الدهون فى تلك المنطقة

[نبض القلب]

العزيزة دكتورة شو

حقيقةً إستمتعت جدا بقراءة هذه المعلومات
وبحكم عملي مرت علي هذه المعلومات ولكن لاول مرة ارى المعلومه مختلفة وعسولة

تحياتي واحترامي لهذا العقل

[::سيف::]

أختى الغالية

لكى منى كل الأحترام والتقدير على هذا المجهود الواضح

وهذه أول مرة صراحة أعرف تلك الأمراض الغريبة

ومعلش لو كانت أسئلتى كتير شوية بس الواحد لازم يعرف

1. ها مرض متلازكمة كوشنج معدى وما الطرةق المؤدية للعدوى؟
2.هل هرمون مينرالو كورتيكويد عندما يزيد أو ينقص يؤثر على الجسم بهذه الطريقة كما فى الصورة؟
3.هل لهذا المرض مضاعفات؟وما طرق الوقاية من المرض؟
4.كيف يمكن التخلص من هذا المرض؟
معلش الأسئلة كتيرة

تحياتى

[أريج]

الأخت الغاليه الدكتوره شو حقيقى بدون مجامله انتى تستحقى كتير على مجهودك
هو صحيح الأ مراض تقلق لكن برضه انتى ممتازه

وياريت اعرف هو المرض ده وراثه ام بدون وراثه

ولك منى خالص الشكر والتقدير

[dr_sho]

كاتب الرسالة الأصلية : نبض القلب
العزيزة دكتورة شو

حقيقةً إستمتعت جدا بقراءة هذه المعلومات
وبحكم عملي مرت علي هذه المعلومات ولكن لاول مرة ارى المعلومه مختلفة وعسولة

تحياتي واحترامي لهذا العقل

وتحياتى وإحترامى لهذا القلب يا غاليتى
شكرا لك

[dr_sho]

كاتب الرسالة الأصلية : ::سيف::
أختى الغالية

لكى منى كل الأحترام والتقدير على هذا المجهود الواضح

الله يكرمك
وأنا أشكرك على الإهتمام والمتابعة .

كاتب الرسالة الأصلية : ::سيف::

ومعلش لو كانت أسئلتى كتير شوية بس الواحد لازم يعرف

يا سيدى أسأل على راحتك
ده إنت تامر

كاتب الرسالة الأصلية : ::سيف::

1. ها مرض متلازكمة كوشنج معدى وما الطرةق المؤدية للعدوى؟

لا لا
غير معدية على الإطلاق
ولا تنتقل من شخص إلى آخر بأى صورة من الصور

كاتب الرسالة الأصلية : ::سيف::

2.هل هرمون مينرالو كورتيكويد عندما يزيد أو ينقص يؤثر على الجسم بهذه الطريقة كما فى الصورة؟

نعم
وله العديد من التأثيرات الأخرى

كاتب الرسالة الأصلية : ::سيف::

3.هل لهذا المرض مضاعفات؟

نعم
له مضاعفات عدة
1.إنت شايف شكل العيان بيبقى عامل إزاى
والشكل ده بيبقى له تأثير رهيب على حالة المريض النفسية
فيصبح مريضنا عرضة للإكتئاب والمرض النفسى
وهو فى رأيى الشخصى من أسوأ المضاعفات التى يمكن أن تصيب بشرى ما على وجه البسيطة
إذ لو فقد الإنسان منا توازنه النفسى فقد معه كل شئ.

2.الإصابة بمرض البول السكرى المشهور ب(السكر).

3.ترتفع نسبة الإصابة يقرحة المعدة فى هذا المريض .

4. الوقت الذى تستغرقه الجروح لكى تلتئم يطول هنا.

5. مريضنا عرضة للأصابة بميكروبات صدرية .

6.هشاشة العظام.

7.إرتفاع ضغط الدم

كاتب الرسالة الأصلية : ::سيف::

وما طرق الوقاية من المرض؟

كونه ليس مرض معدى
فليس هناك طرق معينة من الممكن أن تتبع لنتفادى مثل هذا المرض

كاتب الرسالة الأصلية : ::سيف::

4.كيف يمكن التخلص من هذا المرض؟
تحياتى

التخلص منه يكون فى علاج السبب
يعنى مثلا
إذا كانت إرتفاع هرمون الكوتيزون نتيجة لورم فى الغدة الموجودة فوق الكلى
نشيل الورم
ولو لزم الأمر نشيل الغدة .
وهكذا

[dr_sho]

كاتب الرسالة الأصلية : أريج
الأخت الغاليه الدكتوره شو حقيقى بدون مجامله انتى تستحقى كتير على مجهودك
هو صحيح الأ مراض تقلق لكن برضه انتى ممتازه

شكرا يا حبيبة
ربنا يبارك لك.

كاتب الرسالة الأصلية : أريج

وياريت اعرف هو المرض ده وراثه ام بدون وراثه

ولك منى خالص الشكر والتقدير

لا يا غاليتى
المرض لا شأن له بالهرمونات ولا بالوراثة

تحياتى لإهتمامك

[::سيف::]

كاتب الرسالة الأصلية : dr_sho

نعم
وله العديد من التأثيرات الأخرى

يا ترى أيه هى؟

[نوراااان]

اختنا العزيزه دكتوره شو
ابداعك رائع امتعتينا جدا بطرية شرحك للمعلومات
اشكرك على الموضوع الرائع

[dr_sho]

كاتب الرسالة الأصلية : ::سيف::
يا ترى أيه هى؟

أقولك
1. ضعف فى العضلات
يعنى ما يقدرش يعمل شد لعضلاته فترة طويلة
يتعب بسرعة

2. تفتح فى الجلد
يعنى المادة البروتينية الموجودة فى الجلد اللى إسمها (كولجين ) بتتكسر ما بقيتش موجودة
وده يعمل تفتحات فى الجلد
علشان تبقى واضحة
شوف كدة الصورة دى


طبعا الصورة دى فى بطن مريض.

3. سرعة نمو الشعر وظهور الشعر الزائد فى السيدات (شعر الذقن والوجه)
برضه الصورة دى ممكن توضح كلامى أكتر


4.إرتفاع ضغط الدم اللى بيعطينى الأعراض التالية
زغللة العين
الصداع
وما أدراك ما الصداع
منظر الشخص المصدع غالبا يثير الشفقة
حتى شوف


وخاصة لو كان نونو صغير


5.إحتقان الوجه

6.أعراض المضاعفات اللى إحنا إتكلمنا عنها
فوق لو فاكر
نعيدها تانى علشان تبقى الصورة واضحة


_ الإكتئاب والمرض النفسى


_ الإصابة بمرض البول السكرى المشهور ب(السكر).

_ .ترتفع نسبة الإصابة يقرحة المعدة فى هذا المريض .

_ . الوقت الذى تستغرقه الجروح لكى تلتئم يطول هنا.

_ مريضنا عرضة للأصابة بميكروبات صدرية .

_.هشاشة العظام.