أصل القضية.. أن لغتنا هيروغرفية

[راجل عجوز وشقى]

القضية


أصل القضية
إن لغتنا هيروغروفية
لغة عجيبة
لغة غريبة

لغة الكبار
بيقولوا عليها لغة الحمار
عفوا لغة الحوار
وأحنا فقدنا لغة الحوار
لإن لغتنا هيروغروفية
وضاعت ما بينا المفهومية


مش م النهاردة
ده من زمان
حقول كمان


أيام خوفو وخفرع ومنقرع
بنوا حضارة تشهد عليهم
مش حضارتهم
ولا صنع إيديهم
كانت حضارة شعب ذليل
شعب ضعيف
يبنى هرم صقارة
لجل ما يلاقى الرغيف
وبعد ما ينتهى من بنى الهرم
يمسك بإيده الضعيفة الرغيف
وإيده التانية تحت دماغة على الرصيف
وينسى يأكل الرغيف


وبنوا أثار تشهد عليهم
ولأنها مش صنع إيديهم
ولإن اللغة هيروغروفية
ماترجمتش العبودية


وعدت الاف السنين
وأحنا زى ما احنا متكتفين
متحنطين
متأندلين


لعند ما جونا الفرنساوية والإنجليز
وكان احتلال
ولقينا روحنا ف الملكية
وزى ما احنا متنيلين
ما أهى لغتنا هيروغروفية


وطلعوا منا شوية شباب
طردوا الكلاب
وعرفنا المدفع والبندقية
وقالوا عليها دى جمهورية
وقفنا نصقف
وبالهتافات
نصحى نبات
ولقينا فينا مراكز قوية
ومع إن الجمهورية
بنكتبوها بالعربية
لكن لغتنا زى ما هيه
هيروغروفية


وجه اللى بعده
وبعد اللى بعده
وكده وصلنا
لعند دارنا

كنا زمان فرعونية
وقلبوها للملكية
وحرروها جمهورية

أما النهاردة
بنكتبوهاجمهورية
وبنعشوها ملكية

بصوا وشوفها
حتلاقوها
جمهوركية
يعنى
بكره حتسمعوها
وحتقولوهجمهورلكية




راح المنيًل
ومسكها عيل

وحتفضل بينا وبينهم
نفس القضية
إن نظامنا جمهورلكية
وإن لغتنا هيروغروفية

[حنين]

يا عيني عليك يا عم راجل عجوز ..

كلام كبير وفي الصميم ..

يعني اصبت بكل كلمة وجملة ..

بحب اشكرك على كلماتك وبندعي ربنا انه الحال يتعدل


الف شكر مرة تانية

[راجل عجوز وشقى]

أشكرك أبنتى العظيمة / حنين

أدامك الله لنا

وأشكر لكى ردك الكريم

[نبض القلب]

اخي الكريم راجل عجوز وشقي


انرت قطرات الندى من جديد

بكلمات قوية وجاءت في وقتٍ عصيب

وكل اوقاتنا عصيبة

ولكنها حقيقه فيها من الجدية والسخرية الرائعة


ياريت نشوفك دايما


كلماتك ذات اثر في نفوس الجميع

[حدوتة]

الله عليك ياعمو والله اصبت الهدف
وعريت الاسد
وادركنا منك الحقيقه
ازدنا الله يخليك.

[راجل عجوز وشقى]

الأخت الفاضلة / نبض القلب

أشكر لكم مكروركم الكريم

الأبنة الكريمة/ منى

أشكر لكى مروركم الكريم
بس ياأبنتى أنا لم أقصد أن أعرى الأسد

أنا والله كان قصدى إنى أعرى الحمار

لكن ملحوقة ممكن أعرى الحمار مادامت جت فى الأسد

[حدوتة]

(y) والله ياعمو الاسد او الحمار كله محصل بعضه
ماهوالحمار فاكر نفسه اسد
وميعرفشى اننا عرفين وساكتين.

[hamed mohamed]

عمي الكريم أحمد ..
عودة جميلة بعد طول غياب .. عودة هيروغروفية ولكنها مفهومة..
حتى طريقتك في سرد التاريخ طريقة جميلة بتفكرني بأشعار صلاح جاهين ..
عموماً ..
بالنسبة لقضية تعرية الحمار .. فالحمار يا سيدي الكريم متعري من زمان .. والمشكلة مش في تعرية الحمار .. المشكلة في إن الحمير كتير .. ولو عرينا حمار واحد .. ها تلاقي التانين متغطيين ومكلبشين في الغطا ..
والمشكلة كمان يا عم أحمد .. إن الحمير ما شاء الله .. عاملين زي الأرانب .. يعني بيتكاثروا يوم بعد يوم زيهم بالضبط ..

[راجل عجوز وشقى]

أسمعى يامنى
المشكلة هنا
إن أحنا ساكتين
هى دى مشكلتنا السكوت أو تكميم الأفواه

[راجل عجوز وشقى]

أهلا وسهلا بالغالى

أخيرا أفتكرت إنك لك عمك أحمد

على فكرة أنا بشوفك على المسنجر ومش بدخل عليك بقول أخليك أنت اللى تفتح الباب وتدخل .. مش تدق الباب

عموما حامد حبيبى أشكرك على ردك الكريم اللى دايما بحب أشوفه
وعلى فكرة الخاطرة فيها أخطاء كثيرة لأنى كنت على عجالة
سامحنى
أشكرك حامد

[شكولاته]

انا جايا هنا مخصوص علشان اعرف طلبات كل اللي ردو علي الموضوع
تحبوا اجيب لكم معايا اية في الزيارة غير العيش والحلاوة ؟



طبعا ياعمو كلماتك الجريئة الشاملة دي لازم لها عيش وحلاوة
بس بجد تسلم عليها

[راجل عجوز وشقى]

أهلا بأحدى بناتى المخلصات

ربما أكون قد نسيت أننى لى أبنة تدعى شيماء

عموما مش حلومك لأنى عارف أنك عندك حق

شيمو أشكر لكى مرورك الكريم

وجعلك الله لى أبنة مدى الحياة

أما بالنسبة للعيش والحلاوة فبلاش الله يخليكى الحلاوة يعنى حاولى تغيرى وتشكلى أنواع مختلفة تفتح النفس خصوصا الواحد حتبقى نفسه مسدودة من اللى بيشوفه جوه

[شكولاته]

:( كده ياعمو نستني انا زعلانه خلاص ومفيش ولا عيش ولا حلاوة هجيب لك انواع تانية تفتح نفسك وهبقي اكتب كارت كبير علية شيماء علشان تفتكرني

منتظرين كلماتك الجميلة اللي بتحكي عن واقعنا عمو كمان فين حلقات كان زمان اللي كنت بتكتبها في المجتمع والناس منتظرينها من جديد

[انسان]

اهلا بيك يا راجل يا عجوز يا اللى كلامك يودى فى ...........
بس جد انت منورنا

[راجل عجوز وشقى]

يامرحبا يامرحبا
بأحلى أنسان
والله مشتاق لردودك الطيبة
أشكرك كثير الشكر ولنا لقاء