كيف تصل الى قلوب الناس (مفتوح للنقاش) اتمنى الاراء.!

[naughty eyes]

بسم الله الرحمن الرحيم

زى االجمله اللى بتقول الابتسامه جواز سفر لدخول قلوب الاخرين
طيب هنا تعالوا معايا ننقاش حاجه مهمه جدا ايه هيا ؟ الحاجه دى ازاى نوصل لقلوب الناس ؟ ازاى يكون هناك ود وحب

سمعنا المثل اللى بيقول لامحبه الا بعد عداوه لكن ليه نبدأها بالعداوه طيب منبدأها بالحب والخير


طيب هنا هنلاقى كمان الغيره لو ليك واحد صحبك بيحبك اوى هتلاقى انه مش عاوزك غير ليه ومش عاوز تبقى مع حد غيره ويغير عليك من اى صحبه تانيه وغير كدا الشائع بين البنات البنت اللى بتلاقى ان صحبتها محبوبه تغير منها عشان الناس بتحبها طيب متحبيها انت كمان مش تكرهلها حب الناس ليها

المهم قضيتنا هنا وا موضوعنا هو ازاى توصل لقلوب الناس ممكن اسمع الاراء كل واحد ليه وجه نظر خاصه بيه وليه اسلوبه الخاص

هنا هنلاقى مثلا


اذامرضت مرض شديدا فما عدد الاشخاص الذين تتوقع قدومهم اليك لزيارتك ؟
لماذا يجب ان يظهر الناس اهتمامهم بك فى حين انت لا تهتم بهم؟

فنحن جميعا أيا كان وضعنا الاجتماعى او عملنا نحب ان يعجب الناس بنا! ولناخذ قيصر المنيا مثلا بعد انتهاء الحرب العالمية كان اكثر من احتقر الناس على وجة الارض حتى وطنة انقلب ضدة فهرب الى هولندا فقد اشتد كرة الناس لة حتى كانو يريدون تقطيعة اربا اربا وسط عاصفت الغضب هذة كتب فتى صغير رسالة مليئة بالعطف وتقدير قال احب ويلهلم ويريد امبرطور مهما قيل عنة وقد كانت هذة ارسالة بالغ الاثر فى قيصر الذى دعا الفتى وقابلة واعجب بة وتزوج بعد ذللك امة

لذاللك علينا ان لا ننسا قول الشاعر الرومانى (بابليوس سيروس)
@ نحن لا نهتم بالاخرين الا عندما يهتمون بنا@


عشان كدا عايزه اعرف رأى كل واحد هنا والنقاش مفتوح وهنتقبل تبادل الاراء

اختكم

(العيون الشقيه )

[حدوتة]

جميل جدا اننا نتناقش فى الموضوع ده
كيف نصل لقلوب الناس
بسيطه اوى يانرمين اولها مرضاه الله هتترتب عليها كل حاجه واولها حب الله يليها حب الناس
انا برضى الله يعنى بصل الرحم
انا برضى الله يعنى بسأل على جارى
انا برضى الله يعنى بعاود المريض
انا برضى الله يعنى ببتسم فى وجه الناس
انا برضى الله بكظم غيظى
انا برضى الله انا بسامح
فصدقينى لو عاملنا الله فى الناس هنكسب كل الناس

[maysam]

اهلا نرمين

الطريقة الل ي انا بقتنع فيها هي
اني احب لغيري زي ما بحب لنفسي
اني اعامل غيري زي ما بحب غيري يعاملني
ان اكون صادقة مع نفسي ومع من اتعامل معهم ، لأنه الانسان الصادق في تعامله ومن غير غش ونفاق ، اكيد بيوصل للناس بصدقه وشفافيته

هي نقاط بعتبرها اساسية في التعامل

ميرسي يا نرمين

[المنسى10]

اهلا نرمين

موضوعك جميل جدا .. وحساس قوى

بالاضافة للى قالوة الاخوات الافاضل منى و ميسم

انا بقف شوية عند رد الاخت ميسم .. رغم ان من الاشخاص اللى اقرب طريق الى قلبهم ( مش معدتهم )

بل اقرب طريق الى قلبهم هو الصدق و الوضوح وعدم النفاق .

الا انى شايف واقعنا يفرض علينا غير كدة ..

بختصار . الدخول الى قلوب الناس فى هذه الايام تحديدا

عايز مذيج من الاشيئا ومنها اللى ذكرتية اختى نرمين ( الابتسامة )

وغيرها خفة الظل وللاسف ما يخلاش الامر ودا عن كثير من الناس من ( الكذب )

وحطى هنا دشليون خط . وامور كتير جدا يا نرمين

ربنا يبعدنا عن اصحابها ومحترفيها

بس خلاص

[naughty eyes]

المشاركة الأصلية بواسطة mona

جميل جدا اننا نتناقش فى الموضوع ده
كيف نصل لقلوب الناس
بسيطه اوى يانرمين اولها مرضاه الله هتترتب عليها كل حاجه واولها حب الله يليها حب الناس
انا برضى الله يعنى بصل الرحم
انا برضى الله يعنى بسأل على جارى
انا برضى الله يعنى بعاود المريض
انا برضى الله يعنى ببتسم فى وجه الناس
انا برضى الله بكظم غيظى
انا برضى الله انا بسامح
فصدقينى لو عاملنا الله فى الناس هنكسب كل الناس

ونعم بالله يا منى

تسلم ايديك وتشلمى لمرورك الطيب

فعلا الانسان لو عامل ربنا فى كل شىء بيعمله مش بس هيكسب حب الناس ليه لا كفايه ان رضى ربنا عنه دى حاجه كبيره اوى ونحمد ربنا عليها

[naughty eyes]

المشاركة الأصلية بواسطة maysam

اهلا نرمين

الطريقة الل ي انا بقتنع فيها هي
اني احب لغيري زي ما بحب لنفسي
اني اعامل غيري زي ما بحب غيري يعاملني
ان اكون صادقة مع نفسي ومع من اتعامل معهم ، لأنه الانسان الصادق في تعامله ومن غير غش ونفاق ، اكيد بيوصل للناس بصدقه وشفافيته

هي نقاط بعتبرها اساسية في التعامل

ميرسي يا نرمين

تسلمى يا ميسم والله

فعلا دى فيه ناس بقى تقولك انا عامل اللى قدامى زى مابيعاملنى يعنى لو اللى اقدامى بيعملنى وحش اعامله وحش مش اعامله زى مابحب انه يعاملنى لكن لو الحياه هتبقى كدا عمرك مهتلاقى حد يحب حد لا دا هتبقى حرب لان الانسان غلاط والعاقل اللى بعترف بغلطه

والتسامح شىء جميل اوى وان شاء الله هيكون فيه موضوع خاص بيه

شكرا يا ميسم لاهتمامك ومرورك الطيب

[naughty eyes]

المشاركة الأصلية بواسطة المنسى10

اهلا نرمين

موضوعك جميل جدا .. وحساس قوى

بالاضافة للى قالوة الاخوات الافاضل منى و ميسم

انا بقف شوية عند رد الاخت ميسم .. رغم ان من الاشخاص اللى اقرب طريق الى قلبهم ( مش معدتهم )

بل اقرب طريق الى قلبهم هو الصدق و الوضوح وعدم النفاق .

الا انى شايف واقعنا يفرض علينا غير كدة ..

بختصار . الدخول الى قلوب الناس فى هذه الايام تحديدا

عايز مذيج من الاشيئا ومنها اللى ذكرتية اختى نرمين ( الابتسامة )

وغيرها خفة الظل وللاسف ما يخلاش الامر ودا عن كثير من الناس من ( الكذب )

وحطى هنا دشليون خط . وامور كتير جدا يا نرمين

ربنا يبعدنا عن اصحابها ومحترفيها

بس خلاص

آهلا يا منسى منور وتسلم لمرورك الطيب

فعلا الكذب زى مابيقولوا ملوش رجلين والانسان الكذاب دايما مكروه لان الصراحه راحه والنيه الخالصه والابتسامه الصافيه والقلب الابيض الذى لايحمل لغيره يمكن دول بردوا من صفات الانسان المحبوب وطبعا زى ماقالت منى رضى الله قبل كل شىء ومن احبه الله حبب فيه خلقه فعلا ربنا يرضى عنا جميعا

منور يا اشرف

[سلمى*]

اهلا نرمين
موضوعك جميل قوى والاجمل منه انك بتفكرى ازاى توصلى لقلوب الناس مش بتفكرى فى مصلحتك منهم زى ما ناس كتير بقى ده هو كل اهتمامها
انا شايفه ان الانسان ممكن يوصل لقلب اخوه اذا حس بجد انه فعلا اخوه فى الله وان الدنيا بكل صراعتها الماديه والسياسيه والفكريه ...هى فى الاخر فانيه ومش هيتبقى لاى حد فينا غير الذكرى الطيبه اللى سبها فى قلوب الناس وعمله الصالح واللى بيتضمن علاقته بيهم

[hend]

موضوع جميل بجد وده احنا محتاجينه كتير فى المرحله دى لاننا منقدرشى نعيش لوحدنا
ولازم اننا نرجع زى زمان نهتم ببعض ونخاف على بعض

[رؤية]

اهلا بيكى وحشانا والله فينك يابنتى من زمان
موضوعك لفت انتباهى اوى وكتير كنت بفكر بينى وبين نفسي فى اجابه اسئلتك دى اللى اقدر اقولهولك من وجهه نظرى الشخصيه يعنى
ان فى ناس ليها قبول تدخل قلب اى حد من اول مره ودى حاجه بتاعت ربنا ومهما حاولنا نوصلها مش حنعرف
بس اللى فى ايدى انا اعمله انى اعامل الناس باحترام واتقى فيهم ربنا وما اعاملهمش بنفس معاملتهم حتى لو اساءوا ليا لان ده ممكن يغير منهم ويكون ليا انا ثواب كبير عند ربنا
كمان احسن طريقه انى اكون على طبيعتى وما احاولش اصطنع او اظهر عكس اللى جوايا لان اللى بيطلع من القلب بيوصل القلب بسهوله
انى اكون مرنه فى تعاملاتى مع كل العقليات والنفسيات وافهم ان كل واحد ليه طبيعته واعرف اتقبل النقد من اى حد
انى اقول كل اللى انا عاوزاه وما اسكتش على حاجه غلط بس المهم الاسلوب اللى اوصل بيه ده للى قدامى يكون كويس ومن غير ما يجرحه والاهم انى احسسه ان ده من دافع الخوف عليه مش التسلط ولا الرغبه فى التغيير وفرض رايئ وخلاص
وفى النهايه بقولك ان ارضاء الناس غايه لا تدرك وان حب الناس نعمه من ربنا ينعم بيها على من احبه فالاولى بيا انى ارضى ربنا وساعتها الناس حتحبنى بالتبعيه
كمان حاجه مهمه مؤمنه بيها جدا مش مهم يكون الناس كلها بتحبنى ولا الناس كلها معجبه بيا يكفى يكونو عدد قليل بس مؤثرين فى حياتى والحب بينا متبادل بدون مصلحه ولا دافع
وباقى الناس يكفينى انى مكونش ظالمه حد ولا مضايقاه ولو ده حصل اعتذر له بسرعه واصلح غلطى
موضوع متميز جداااااااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااا تسلم ايدك وفكرك يا حبيبتى

[موسى المنشاوي]

ألأخلاق تصل الى كل شئ

[albuhor]

عامل الناس كما تحب ان يعاملوك

لتصل الى قلوب الناس كن متفهم لمواقفهم وافكارهم مهم كانت غريبة بالنسبة لك
ومهما كنت تستهجنها ذلك سيجعل الناس لا تخاف ان تكون امامك على طبيعتها
لانهم يعلمون انك حتى وان كنت لا توافقهم فانك ستتقبلهم

هذا هو الامر ببساطه من وجهة نظري

تحياتي

[romantic_kisss]

انا عندي مشكلة كبيرة ونفسي حد يقولي اعمل اية اولا انا ماليش اصحاب اقولهم علي اللي هقولكم علية فا انا هعتبركم اصحابي وياريت تساعدوني المشكلة هيا اني دلوقتي بحب واحدة ونفسي اكلمها واقولها اني معجب بيها بس لما بشوفها مش عارف لية مبقدرش اروح اكلمها بفضل ساكت مش عارف اعمل اية ياريت اللي يقرأ الكلام دة يبعتلي او يكلمني علي الايميل الياهوو بتاعي ويقولي اعمل اية ايميلي [عزيزي الزائر يتوجب عليك التسجيل للمشاهدة الرابطللتسجيل اضغط هنا]
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[H.E.R.O]

السلام عليكم
انا في رايي ان دي بتبقي صفات في الانسان نفسه يعني فس انسان انطوائي مش بيحي حد يصاحبه وكده يعني وفي انسان اجتماعي بسيط يعرف عدد محدود من الناس وفي انسان اجتماعي جدا وتلاقيه عارف الناس كلهم
وافضل وسيلة لكسب صديق هيا عمل حاجة خير ليه
بس هوا لو لم يتجاوب مع الخير وطلب المزيد يبقي داه ساعتها انسان استغلالي ويجب البعد عنه
وداه رايي انا
وشكرا