أكلات خفيفه سهله سريعة .. و لذيذه جداااا

[Mustang]

هاى

عايزين نتشارك فى الموضوع ده و نتبادل خبرات بعض فى الاكلات الى عمايلها سهلة و سريعة و فى نفس الوقت يكون طعمها لذيذ و حلو
فياريت الى عنده اى اختراع يقوله او حتى وصفة قديمه بس تكون جامده كده
عموما هبدأ انا بالحاجات الى بفضلها

المكرونه
طبعا المكرونه عمايلها سهلة و سريعة بس طعمها مبيبقاش حلو اوى بالطرق العادية و دى طريقتى ...
معلومة::لما تيجي تشترى مكرونه شوف اصفر نوع قدامك و هاته لان نسبة البيض فيه بتبقى اكتر و طعمها بيبقى الذ
المقادير:
نص كيس مكرونه او تلت تربع
كيس شوربة ماجى او كنور احسن طعم هو المشروم و عموما اختار النكهة الى تعجبك

طريقة الاعداد:
طبعا بتسلق المكرونة عادى و هو انك تسخن ميه (5 لتر لكل كيس) و بعد ما تغلى تحط فيها المكرونه و بعد خمس دقايق حط معلقة ملح كبيره و بعد ربع ساعه من الغليان شيك على المكرونه هتكون بدأت تستوى شوف الملح لو محتاجه زود بس متكترش اكتر من معلقة كبيره و بعد تلت ساعه من الغليان هتكون تقريبا استوت

فى نفس الوقت تكون بتعمل الشوربة فى حلة تانيه و طريقتها سهلة تحط لتر ميه فى حلة و تحط فيها كيس الشوربة و تستنى لغايه ما تغلى و تقوم موطى النار عليها خالص

بعد ما المكرونه تستوى صفيها و حطها فى الشوربة خمس دقايق ... و ادعيلي

الهامبورجر
كل الناس بتحب الهامبورجر بس بقى تقليدي اوى فى البيت و حتى لما بنخرج بناكل برضه هامبورجر... عموما جرب الطريقة دى و سلملى على هارديز
اشترى فى الأول نوع هامبورجر بالتوابل ... فيه امريكانا بالتوابل العربية و ده الى انا بفضله بس اى نوع بالتوابل هيقضى الغرض
السر فى الخلطه ... هات جبنه شيدر مدخنه و بتتباع عند اى سوبر ماركت كبير
و انت بتحمر الهامبورجر قبل ما تستوى بحاجه بسيطه حط الجبنه الشيدر عليها عشان تسيح معاها و خلى بالك الجبنه الشيدر المدخنه طعمها قوى جدا يعنى متكترش اوى... و بس حطها بقى فى العيش و عيش حياتك فى الكاتشب و يا سلام لو كاتشب حار ...
و برضه هتدعيلي
و على فكرة ممكن تعمل بالجبنه دى بيض مقلى خرافه حط قطع منها فى البيض و انت بتقليه مع صابع مقطع هوت دوج ... و مش هتقدر تغمض عينك
و فيه برضه وجبة لذيذه ساعات بعملها على الفطار مع بساطتها الشديده
هات رغيف عيش و حط فيه جبنه رومى و اربع شرايح طماطم رفيعين و حطه فى الميكرويف او الفرن او اى حاجه بتسخن....... بيبقى لذيذ جداااااا

و بس خلاص ده الى عندى عايزين نشوف بقى اختراعاتكم

[عتاب]

موضوع جلو اوى يا موستانج تسلم ايديك
بصراحة جوعتنى وكسلانة اقوم اكل
المشكلة بقى انى عايزة اكل الاكلات دى دلوقت اعمل ايه فيك بقا
ربنا يسامحك. هاروح اكل فول احسن حاجة ههههههههههههه
هو حبيب الملايين في كل وقت وحين (باقول شعر كمان في الفول ههههههه)
احلي حاجة انك تعلم كل الرجاله الطبيخ عشان تريحونا من عمايل الاكل في المستقبل

[maysam]

دا انت طلعت مش سهل يا موستانغ

حبيت طريقة المعكرونة بالشوربة

الهوت دوج انا ما بطيقوش نهائي
بس اوقات بنعمل نقانق عند اللحام اللي هو الجزار وبنقليه مع بيض على طريقتك بعد ما يتقطع وبيطلع طعمه كويس جداا


انا ممكن اجيب لكم شوية وصفات خفيفة برضو ويا ريت الكل يشارك

في معكرونة باللبن الزبادي

بنجيب المعكرونة اللي حجمها صغير جدا وهي بيكون لها عدة اشكال اختاروا الشكل الصغير
بنسلقها مع مية وملح وشوية زيت عشان ما تلزق ببعضها وناخدها نصفيها بعد ما تستوي

بندق شوية توم يعني سنين مثلا ونخلطم مع اللبن الزبادي وشوية ملح حسب الرغبة

بنجيب المعكرونة نخلطعها معاهم ونضيف عليهم شوية نعنع ناشف بالآخر

هو طبق بارد يعني وكويس بالصيف وطعمه حلو

انا عندي فكرة ان في مصر مش كتير بيحبوا اللن الزبادي

انا مش عارفة دا حقيقي ولا اشاعة

بس جربوا

وحابقى ارجع بوصفات خفيفة تانية

تسلم موستانغ انا فرحانة انك دخلت المطبخ

[Mustang]

شكرا على الرد يا عتاب ... بس احنا للاسف مبنعرفش نعمل كوبايه الشاى حتى
و الحرب خدعه

و فين وصفاتك؟

ميسم...
ايوه كده فتحتى نفسى
طريقتك شكلها هتبقى حلوة فعلا هبقى اجربها ان شاء الله و بالذات انها كل حاجات جديده عليا توم و نعناع و لبن ... و طبعا موضوع ان المكرونه تبقى بارده دى عمرى ما جربتها
و معلوماتك صحيحة بالنسبة لللبن الزبادى ... معظم المصريين مبيحبهوش الا اذا كان بالفواكه و بيكون كمشروب فقط انما محدش بيستحمل يشربه سادة كده و طبعا انه يستخدم فى الطبيخ دى حاجه مستبعده خالص...
كل بلد بقى و لها اذواقها

و مستنى باقى الوصفات ..........

[عتاب]

هههههههههههههههههههههه
وصفات ايه بس يا موستانج خلي الطابق مكسور قصدى مستور هههههههههههههه
وبعدين زى ما انت قلت الحرب خدعة يبقى ماتتوقعش اننا نكشف عن اسلحتنا المطبخية بسهولة
علي فكرة انت مطلوب في موضوع البهدلة من زمان ماتهربش الحق جاوب


حلوة وصفتك يا ميسم ولو انى لا بحب اللبن الزبادى ولا النعناع ولا التوم طبعا
ينفع اعملها مكرونة مسلوقة وخلاص ههههههههههههههههههههههههه

[maysam]

هههههههه قفلتوها من اولها

اه جربها يا موستانغ عشان انا اتشجع واكتب

بعدين يا عتاب انا زمان يعني كنت كتير اكلات ما اتخيل اني اكلها بس بعدين تعلمت اني ما احكم على اي اكلة قبل ما ادوقها
بالاول كنت احكم على المنظر العام ولهلأ يعني بس عموما بقيت احب اجرب قبل ما اكره او احب ههههههه

حاقول لكم على اكلة سهلة بالفول الاخضر لو حبيتوا

بس الاول اتأكد انكم بتحبوا الفول الاخضر ولا لا قبل ما اتعب ، عشان انا بقيت بكسل كتير الايام دي

[Mustang]

ههههههههههه انتى عامله زيي اختى انا بدخل المطبخ اكتر منها دا لو هيا دخلت اصلا
انا مش عارف الواحد هيتجوز ازاى من الجيل الجديد ده
ربنا يكون فى عوننا و يوعدنا بواحده من سياحه و فنادق


و ميسم
طالما الموضوع فيه فول يبقى اكتبيه و انتى مطمنه
و مستنيين الوصفة

[maysam]

خلص حاكتب الوصفة

نص كيلو فول اخضر بنقطعه حجم متوسط ونغسله طبعا
زيت زيتون مقدار فنجان قهوة
ضمة كزبرةراس توم صغير
ملح وسماق ( اكيد مش موجود السماق دا فمش مشكلة)

الطريقة سهلة وهي بنقلب الفول مع زيت الزيتون بعدين بنغطيهم مع اضافة قليل من الماء ونخليه يستوي على البخار ، وكل ما تخلص المية نضيف شوية لحد ما الفول يدبل ويتسوي ونضيف لملح من البداية

بعديها بندق التوم مع الملح ونضيفه على لافول ونحركه ونسيبه وكله على نار واطية على شان يستوي على مهله وعلى البخار

نفرم الكزبرة ناعم بعد ما نغلسها ونضيفها عغليهم ونتركهم شوية يتسبكوا مع بعض..

ولو في سماق نضيفه ، لان السماق وظيفته يعطي شوية حموضة ، لو ما فيش ممكن نضيف عصير ليمون

الطبق دا بيتاكل برضو بارد يعني الافضل بعد ما يخلص ويبرد يترك شوية بالتلاجة

وطريقة اكله طبعا مع الخبز يعني وميزة الطبق انه بزيت لازيتون

انا واثقة حتحبوه واي سؤال انا جاهزة

[KHAOLA]

اكلات جميلة
شكراااااااااااااااااااااا كثيراااااااااااااااااااااااا




باااااااااااااااااااااااااااااااااي

[ريوان]

تسلم ايدك بجد الاكلم جميل جداا انتى بد جوعتينى

[KHAOLA]

انشاء الله بالشفاء
انت بس قول الحمد الله

[lolo mohammed]

مشكوووووووووووووووووووووووووووووووووور

[R=K]

فكرة المكرونة بالشربة جديدة اجربها واعطيك راي شكرا لك

[محمود سعيد عبده]

انا هجرب حكايت المكرونه دي والك رأي وشكراااااااااااااااااااااااااااااااااا

[محمود سعيد عبده]

اكتب الاكله دي
المقادير
نصف كيلو بطاطس و 2حبه طماطم وبصله متوسطه و 4فصوص ثوم و 1فلفل اخضر وشويه شربه فراخ او لحمه
التوابل
ملح كمون شطه علي حسب الرغبه وقرفه مطحونه
الطريقه
تقطع البصله والثوم و الفلفل قطع صغيره ثم تتحط علي النار مع شويه زيت لحد ما لون البصله يصفر تقطع الطماطم ثم تقطع البطاطس مكعبات متوسطه ثم تضع الشوربه وتتبل ثم تغطيها وتسبها نصف ساعه وبعدها كل وادعيلي