علاقات الحب من على النت

[منى هانى]

النت مفيش شك ان النت دة حاجه مسليه جداا بس دلو قتى الموضه مبقاش للتسليه وبس بقى دلوقتى الشباب والبنات ممكن يحبوا بعض من على النت وانا هقولكم رايى الشخصى وعايزاكم تبقوا تبعتولى رايكم بصراحه انا رايى انه بنسبه 99 فى المايه بيكون اعجاب مش حب زى ما بيتصور البعض وان مصير العلاقه دى فى النهايه الفشل لان علشان اتنين يحبوا بعض لازم يكونوا حاسيين ببعض ادام بعض لان لو انسان بعيد عن التانى سهل اوى انه يخدعه ويمثل شخصيه غير شخصيته وعلى فكرة المثل بيقول اسال مجرب
انا على فكرة جديدة معاكم فى المنتدى عايزاكم تبعتولى رايكم بصراحه وتردوا عليافى الموضوع دة

[بكــار]

الاخت الفاضله
اولا برحب بيكى جدا بينا
وان شاء الله تقضى وقت جميل معانا
اما بالنسبه
لموضوع الحب بتاع النت دا
فانا غير مقتنع بيه تماما تماما
تماما
لان فى الاخر الواحد بيتعلق بانسان ممكن يكون ما يستاهلش انه فكر فيه
اساسا
لكن تعملى ايه
هى الدنيا كدا لازم نتقرص منها عشان تعلمنا
لازم تاخد مننا قبل ما تدينا

تحياتى انا هنقل الموضوع لقسم دهاليز المجتمع
واتمنى التوفيق لحضرتك تحياتى

[عتاب]

انا جاية ارحب بيكي يا منى واقولك نورتي المنتدى
هارجع تاني اقول رايي في الموضوع
انا بس داخلة مستعجلة ارحب بيكي وامشي
بس استنينىىىىىىىىى راجعه تانى باذن الله

[مستكة]

اهلا بيكي يا مني معانا نورتي ابن مصر

هو بالنسبه لعلاقات الحب عالنت بصراحه شديده يلجا اليها ناس كتير جدا لعدة اسباب
اولا سهولة التواصل
ثانيا عدم تحمل اي مسؤليات
ثالثا فضا وقلة وعي كمان انخفاض حاد في الثقافه الدينيه

بصي مقدرش اعمم كل الكلام ده علي كل الناس لكن هتلاقي كتير منه واقع فعلا

وفي الاخر كل شيء قسمة ونصيب


هو المشاركة التانيه دي لو تعمليها في موضوع مستقل يكون افضل

لكن عموما برضه انا بفكر دايما بطريقه معينه

يعني مثلا ايام زمان لما مصر كانت ملكيه وفي بدايات الجمهوريه

كان اقتصادنا تعبان جدا ومصر كان كل خيرها مش ليها وحاجات كتير

بس موصلتش الامور للدرجة اللي وصلنالها انهارده

تفتكري ليه ؟؟!!!

[MoHaMeD NaSSaR]

علاقة حب على النت

لا شك انها منتشره كثيراً في هذه الاوقات مثلما ذكروا لسهولة التواصل لكن من وجهة نظري انها طريقة فاشله لعدة اسباب

هي ان الشخصيه على النت تختلف منها في الواقه
وحتى الشكل يعني الشاب بيرسمها كانها احلى بنت بالعالم وكذلك هي ترسمه فارس احلامها وبالنهايه يذعروا من بعض في اغلب الاحييان يعني


اي انها بلا شك طريقه لا تفي بالغرض المطلوب


شكرا على الموضوع

[عتاب]

النت مع الاسف بقا وسيلة لكتير من الولاد عشان يعرفوا بنات ويضحكوا عليهم
يتكلموا الاول على انهم زى الاخوات ومجرد اصدقاء وبعدها طبيعي جدا يتعلقوا ببعض
ماهم في وش بعض كل شوية كلام وهزار وحكايات بدون رقيب لازم على الاقل البنت تتعلق بالولد لان مشاعرها ارق
وييجي الولد بعد فترة ويقولها معلش انا هاخطب واحدة تانية او حتى مايقولش ويسيبها ولا يهمه اي شيء
حقيقي الشباب بقوا يستخدموا النت استخدام غلط جدا
وكتير من البنات اللي عندهم بعض الحياء اللي يمنعهم من كلام الشباب وجها لوجه بيجدو النت فرصة وتقولك ماهو مش شايفني ولا عارف عني حاجة وتتكلم
طيب هو الغلط انه شايفك او لا؟؟ والا الغلط في الفعل نفسه اللي بتعمليه
انا مش معترضة على النت في حد ذاته انما معترضة على اى شيء يكون خارج نطاق الدين
معترضة على البنت اللي اهلها وثقوا فيها وسابوها تقعد على النت وهى خانت الثقة واتعرفت على ده وكلمت ده وفي الاخر تشتكي ان قلبها اتجرح . طيب ماهيا اللي اديتهم الفرصة يعملوا فيها كده
ياريت البنات والولاد كمان يفوقوا من اللي هما فيه
ربنا يحافظ عليهم جميعا باذن الله

[نيهال]

اولا يا مرحبا بيكى معانا
وان شاء الله تنورينا كده دايما
ثانيا بقى
انا رايى مش حيختلف كتير عن اصحابى
عموما
انا معترضه لان عاده الصدق بيكون غير متوفر( جايز يكون فيه شواز ....لكن اقليه )
ولان كل واحد بيبقى راسم نسمه يا ما هنا يا ما هناك
لكن بيبان بيان.مهما دارى وخبى
ههههههههههههههههههههه
دى وجهه نظرى
وليه ممكن تكون منتشره بتكون حسب الظروف .
يعنى مش على طول ناس فاضيه وهايفه ..لانها بتكون عارفه كويس همه بيعملوا ايه .
اذا كان لعب عيال والا كلام بجد
وعلى فكره مش لازم الواحد يغلط علشان يتعلم .امال النصيحه لازمتها ايه بقى ...
نعمل ايه بقى واحنا جيل زى العسل وبيسمع الكلام من الاول (طبعا مش كله)
هههههههههههههه

حد فاهم حاجه؟
يللا ....شويه كده وجايه ان شاء الله

[قصة حب]

انا معاكى يا منى ان معظم علاقات الحب من على النت بتكون مصيرها الفشل لان كل واحد بيخفى شخصيته الحقيقية وبيمثل شخصية تانية خالص غير شخصيته بس بيبان بيبان فى الكلام؛ مواقف بتحصل بين الطرفين بتبين مين كويس ومين وحش ومين محترم برده يعنى لو حصل خلاف صغير بيبانوا على حقيقتهم واكيد اللى بيرتبطوا من على النت سواء ولد او بنت بيبقوا عارفين هما عايزين ايه ونهاية اللى بيعملوه ده برده ايه بس للاسف انا بحس ان المعظم بيمثل الحب مش اكتر اصل كلمة بحب دى مسؤلية وقليل قوى اللى بيتحمل المسؤلية وفى الاخر بتبقى صدمة للطرف الضحية طبعا ولو هنتكلم من ناحية الدين فالشات حرام وعلاقات الحب او الصداقة برده حرام بس لوكان حد من الاهل عارف اوكى خلاص بس يبقى دخول المنتديات برده مش كويس لان كل واحد بيكتب موضوع بيبقى مستنى الرد عليه بس يا ترى البنت او الولد اللى كاتببين الموضوع بيبقوا مستنين الرد من حد معين ولا البنت بيرد عليها ولاد وبنات ويقولوا رايهم فى موضوعها والولد نفس الكلام برده وطبعا لازم يردوا عليهم ويشكروهم وبالتالى هتتكون علاقات صداقة برده يعنى الموضوع مش فارق كتير
حد فهم حاجة؟؟؟؟

[فانتـــاستـــك]

كلامك صح منى ,

لكن الجميل انه يجمعنا مثل هدا المنتدى , ويصير بيتنا الثاني .. وكل الاعضاء مثل أخوانك
ويكون بيننا حب الأخوه ,
رااااااااائع هذا الحب

لكن البعض يكبر الحب فيه لدرجة كبيره,, ويترجمه بطريقة خاطئة
وكثير اللي تزوجوا عبر النت
مو شرط يعتبر حب فاشل

أنا غير مؤيد ولا معارض
لأنه لكل قصه حب عبر النت شكل يختلف عن الآخر

وأخيرا
شكرا لك على هذا الطرح
الراااااااااااااااااااااائع

ونشوف بقية الأعضاء وآراءهم

تحياتي لك

[yasmina]

اولا اهلا وسهلا بيكى يا منى هنا معانا طبعا منورنا

اما بقى بالنسبة لموضوعك

فاْنا من راْيى ان الولد اللى بيدخل يعمل شات مع بنت بيبقى داخل لغرض معين انة يسلى وقتة مع اى حد

ولعلمك اوقات كتير من الولاد يدخلو الشات على انة بنت ويفضل يتكلم معاها ويجر معاها كلام على اساس انة بنت وهى بقى تفضل تحكى على كل حاجة عنها ( ماهى كمان المفروض انها بتحكى لبنت )

والعكس صحيح يعنى بنات برضة بيدلخا على انهم ولاد


فمبداْ مفيش علاقة من على النت بتم
لان مفيش ولد ممكن ياخد بنت عارف انها بتدخل الشات وتكلم ولاد
ساعتها هيقول الللى خلاها تكلمنى
هتكلم غيرى وغيرى ..:shades:

[أحمد سالم]

وليه أصلا البنت تدخل شات وبعدين حب أيه ده كلام ناس عقلين

[النسر الذهبى]

اولا اهلا بيكى يا منى فى ابن مصر
ونخش فى الموضوع على طول
بصى يا ستى انتى قلت فى اخر كلامك
اسأل مجرب واهو انا مجرب
وكانت العلاقة دى هيتكتبلها النجاح لولا ظروف خارجة عن ارداتنا
لكن تقولى يه وبعدين انا حضرت وقائع نجاح لقصص زى دى مرة او اتنين
يعنى مقتنع بوجود الحب على لنت وانه فعلا ممكن ينجح
بس مش شرط ان كل الحالات تكون ناجحة
او توصل لبر الامان بسهولة
لازم تتطلب صراحة شديدة من الطرفين
علشان يتوافر عامل النجاح الكامل
ولا ايه
مش اكون انا بقول للبنت بحبك علشان اتسلى وخلاص لا اعتقد ان الكلمة دى وراها التزامات كتير قوى مش كلمة وخلاص
دة رائى المتواضع عتقد ان دى نصيحة مجرب الحب من النت شىء كويس بس لما تتوافر له عوامل النجاح واهمها الصراحة الكاملة من الطرفين

[نانو]

حب النت هو الوهم بعينه في الاول تعارف
وبعدين كلمه ورا كلمه يتقلب موضوع
والموضوع يكبر
ويحتاج مقابله
والمقابله تجر مقابله
وفي الاخر يوصل الموضوع للدرجات العليا
فلماذا يصل لهذه الدرجه

[أبو أسامه المصرى]

المشاركة الأصلية بواسطة نانو

حب النت هو الوهم بعينه في الاول تعارف
وبعدين كلمه ورا كلمه يتقلب موضوع
والموضوع يكبر
ويحتاج مقابله
والمقابله تجر مقابله
وفي الاخر يوصل الموضوع للدرجات العليا
فلماذا يصل لهذه الدرجه

عين العقل ربنا يكملك بعقلك ياأخت نهى

[ma07]

اولا اهلا بيكى ياانسه فى المنتدى انا برده مشترك جديد عايز اقول حضرتك جايز الكلام الى بتقولى ده حقيقى بس انا الصراحه بحب من على النت ووحده ولا شفتها ولا شفتنى بس انا حاسس من ناحيتها انى بحبها من زمان مع انى مش محروم من البنات وعشرت جميع الطبقات وهى كمان بتحبنى وانا متاكد بس المشكله الوحيده انها بتسمع كلام الناس الى حوليها وانا من الصعيد وهى من بلد بعيده شويه عنى بس سعات انا بحس نحيتها بانها بتتقل عليه مع انها طيبه جدا جدا وانا الصراحه اول ره احب بالشكل الفظيع ده لدرجه انى مابعرفش انام بس ان شاء الله فيها اخير وياريت حتى تكون علقتى دى الاولى من نوعها فى الارتباط واكتبلكم واقولكم على كده الف شكر لى طرحك لينا هذا الموضوع الجميل وربنا يستى بقى سلام .... العاشق الولهان