طالب ثانويه عامه؟! خش هنا !!

!!zizo bunny · 19-09-2007, 04:03 AM

السلام عليكم و رحمة الله و بركاته

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

هاااااااااى نورتم الموضوع عاملين ايه.......طبعا الموضوع باين من اسمه

انتا طالب ثانويه عامه سواء تانيه او تالته هتلاقى باذن الله هنا كل اللى انتا عايزه

هنا ممكن تفضفض عن مشاكلك مع الثانويه مخنوق من ايه؟ شلت مواد اد ايه؟

هههههههههههه......عندك اسئلة ايه؟ و كمان اللى مخلص ثانويه ممكن يفدنا بتجاربه و

نصايحه ........و ممكن كمان نعمل جدول مع بعض

و كمان هنحط اسئلة و هنجاوب عليها عشان تستفيد من النت اقصى استفاده و هنعمل

مسابقات باذن الله و نشوف مين الدحيح فينا

و شروط المشاركة فى الموضوع كالتالى :-[عزيزي الزائر يتوجب عليك التسجيل للمشاهدة الرابطللتسجيل اضغط هنا]

1- المشاركات لازم تبقى فى حدود المذاكره و مشاكلك فيها مش نقلبها تعارف و شات

2- لو اول مره تشارك لازم تقولنا انتا فى سنه كام و جبت كام فى تانيه [و لو مش عايز تقول اوك ]... و واخد مواد ايه

3- و الشرط التالت انك متتكسفش تقول جبت كام [ انما لو مش عايز تقول عشان خايف من الحسد اوك ] او مش عارف تذاكر ايه او مخنوق من مواد ايه

هااااااا يا جماعه مستنى مشاركتكم و عايزين فلوس الدرس مقدم

!!zizo bunny · 19-09-2007, 11:22 PM

ايه يا جماعه مفيش حد فى ثانوى؟؟؟؟؟؟؟

انا اعرف عن نفسى

زيزو تالته ثانوى واخد فيزياء و احياء فى تالته

بوسي احمد · 20-09-2007, 10:29 AM

انا بوسي تالتة السنه دي

عندي مشااااااااااااااااااااكل بالهبل

مع العلم اني الحمد لله شاطرة طول عمري

بس للاسف

جيت تانية وجبت 85%

وطبعا انا متوقعتش كده خالص والسبب في النسبة دي الرياضيات والفيزياء

المشكلة في ان اللي جابلي النتيجة قالي 95% ولما استلمت الشهادة لقيتها 85%
انا في اولى كنت جايبة 97%

وتانية خبت خيبة سودا

ولازم السنه دي اجيب لايقل عن 96% لاني علمي ياناااااااااااااااس

انا مش عايزة طب ولا هندسة انا عايزة كلية تكون كويسة وبس لاني انا واثقة ان اي حاجة هفلح فيها ان شا ء الله

وطبعا المشكلة الاكبر ان بابا من ساعت ما عرف نسبتي ( مع العلم انه عمره ما اهتم بمستوايا الدراسي )

الا انه حرمني السنه دي من الكمبيوتر خالص وطبعا بقعد من وراه

و المشكلة الاكبر بقه ان انا مش باخد دروس خاااااااالص

اااااااه نسيت اقول اهم حاجة
انا بدرس خارج مصر
وفي البلد اللي انا فيها وعلى حظي الهباب
بعد ما كانت الدراسة فيها اسهل ما يكون
في سنه غيروا كل الانظمة وعملوا زي مصر في كل حاجة
صعبوا المناهج _خلوا تانية وتالته ثانوية عامة بعد ما كانت تالته بس
وعملوا نظام جديد اسمه النظام التراكمي
وده بقه من اغرب الانظمة اللي سمعت عنها
يعني بالفرض انك لو نقصت 3 درجات في مادة الرياضيات
تضرب ال 3 درجات في عدد حصص الرياضيات في الاسبوع
واحنا بناخد سبع حصص
يعني 3في7 = 21
21 درجة
اللي ينقص تلات درجات كانه نقص واحد وعشرين درجة
وطبعا حضرتي مش ناقصة تلات درجات
انا ناقصة 38 درجة
اضربهم في سبعة هيطلعلك رقم يخوف

انا جبت 441 من 700

بتعادل عندكم في مصر 63 من ميه

ودي اول مرة في حياتي اقع الوقعة دي

ده غير فيزيا هانم

جبت 77 من ميه

يعني حاجة اخر قرف والحلو بقه في كل اللي قلته اني ان شاء الله لما انزل مصر حتى لو مجموعي كبير

ويدخلني طب

التنسيق بيعامل المغتربين معاملة تانية وبيدي الاولوية للطالب اللي عايش في مصر
ولو احنا لينا مكان كان بها
لو مفيش يبقه المجموع مش هيفيد بحاجة

انا كان نفسي ادخل صيدلة قوي او طب علاج طبيعي بس مليش نصيب

قولي اعمل ايه بقه في المشاكل المتلتله دي طبعا انت معندكش حل هحتحل ايه ولا ايه

ده كله كووووووووووووووم

والمدرسة اللي تخنق كوووووم تاني

وصحباتي كلهم نقلوا من المدرسة الغلسه اللي انا فيها ومبقاش غيري

وطبعا مليش صحبات

ده غير اني بدور على حد يدي دروس لكن للاسف مفيش
موضوع الدروس ده هنا مش منتشر زي مصر

لدرجة اني لما عرفت ان المناهج الجديدة بتاعتنا هنا زي بتاعت مصر قررت اكمل في مصر

لكن للاسف مش هينفع هقعد مع مين في مصر

مش هينفع الا لما اخد الثانوية

وانا السنه دي زي ما قلتلك في تالته

كفااااية كده لحسن والله بجد هعيط ...بس ارتحت لما فضفضت

شكرا

بوسي احمد · 20-09-2007, 10:38 AM

اه نسيت

المواد اللي تعباننننننننني جداااااااااا

الرياضيات والفيزياء مع العلم اني الحمد لله في الكيمياء والاحياء جايبة درجات كويسة جدا

شوفولي حل في المادتين دووووووول.......لحسن انا حاسة اني هاخد الثانوية العامة وهيكون جالي بالاضافة للضغط اللي موجود عندي اساسا ممكن بقه يجلي السكر كمان

!!zizo bunny · 21-09-2007, 02:54 AM

هاى بوسى نورتى الموضوع

بالنسبة لمشاكلك [دى مش مشاكل دى عفاريت ]

انا بردو نقصت فى تانيه عشان الكيمياء و احمدى ربنا انك ممتحنتيش الكميا بتاعتنا كانت اصعب سنة تقريبا باعتراف المدرسين

و بعدين عايز افهم انتى ازاى 85% و علمى مش فااااااااااااااهم

رياضه ولا علوم؟

و كمان مبتخديش دروس؟ و تقعدى على الكمبيوتر؟

طب بتقعدى على الكمبيوتر من ورا بابا مش مشكله [ طنشيه ] انما مفيش دروس؟لو انتى كويسه و بتعرفى تذاكرى من غير دروس اوك

و متخفيش اولا من مجموعك انا واحده قريبتى جابت زييك فى تانيه انما فى تالته زادت تقريبا 10%

ازاى معرفش

و المدرسه حاولى تتعرفى على صاحبات تانيين و كويس انكم عندكم مدارس اصلا

و كمان انتى ازاى واخده كيمياء و فيزياء و احياء فى سنه واحده ولا هوه ده النظام فى المكان اللى انتى عايشه فيه؟

الرياضيات 2؟ انا مبخدهاش بس اسمع انها مش غلسه زى تانيه

الفيزياء انا بردو بتخنق منها اوى و خصوصا الباب التانى معرفش انتوا عندكوا نفس المنهج ولا ايه

متخافيش من السكر و الضغط ولا حاجة انتى اعملى اللى تقدرى عليه و ربنا يوفقك باذن الله و يجيلك هبوط بس

شكرا للمرور و عايز اعرف بتذاكرى الادب ازاى

Dr-Ahmed · 21-09-2007, 03:23 AM

إلى جميع أحبابي في الثانوية العامة ..... بلاش تذاكروا و لا تتعبوا نفسكم ..

كدا كدا مفيش شغل و التعليم بايظ على الأخر .... نصيحة مني ادخلوا الجيش أو الشرطة ... الضباط بس همه اللي بيتجوزوا اليومين دول .. مع تحياتي

لا تنسوا ان تشتركوا في حملة ( من فضلك لا تدخل كلية الطب ) ... سلام

امل حياتى · 21-09-2007, 04:06 AM

السلام عليكم

انا فى ثانويه عامه فى تالته
انا كنت فى تانيه علمى بس جبت فى تانيه 84%
وطبعا بسبب الكيميا اللى نزلت ناس كتييييير
انا منزلتش فيها الحمد لله بس درجتى فيها مش حلوه
وحولت السنادى ادبى طبعا
والمواد حلوه الحمد لله لحد دلوقتى
بس

بالنسبه للدكتور احمد انت مش عايز الناس تدخل طب ليه
وانت بتقول يدخلو الجيش طب واحده زى حالاتى تعمل ايه
هو انا كده كده مش هدخل طب لان انا خلاص حولت ادبى
بس فى ناس علمى ممكن يدخلو طب
ولا ايه؟؟؟
ملحوظه: اختى فى طب سنه سادسه

Dr-Ahmed · 21-09-2007, 04:11 AM

إقتباس:

المشاركة الأصلية بواسطة امل حياتى

السلام عليكم

انا فى ثانويه عامه فى تالته
انا كنت فى تانيه علمى بس جبت فى تانيه 84%
وطبعا بسبب الكيميا اللى نزلت ناس كتييييير
انا منزلتش فيها الحمد لله بس درجتى فيها مش حلوه
وحولت السنادى ادبى طبعا
والمواد حلوه الحمد لله لحد دلوقتى
بس

بالنسبه للدكتور احمد انت مش عايز الناس تدخل طب ليه
وانت بتقول يدخلو الجيش طب واحده زى حالاتى تعمل ايه
هو انا كده كده مش هدخل طب لان انا خلاص حولت ادبى
بس فى ناس علمى ممكن يدخلو طب
ولا ايه؟؟؟
ملحوظه: اختى فى طب سنه سادسه

ممكن تدخلي قسم ( الدهاليز الإجتماعية ) و حتعرفي سبب الحملة على الطب إيه ..

انا لسه دكتور صغير نونو في سنة ثانية .. يعني تعقدت من أول سنتين .. مش عارف لو ربنا طول في عمري و عشت لغاية سنة سادسة يمكن اغير رايي

مع تحياتي

Dr-Ahmed · 21-09-2007, 04:14 AM

هذه عناوين الموضوعات

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

[عزيزي الزائر يتوجب عليك التسجيل للمشاهدة الرابطللتسجيل اضغط هنا]

!!zizo bunny · 21-09-2007, 04:25 AM

ثانكس يا احمد و امل على المرور

و ليه مش عايزنا نخش طب امال نخش ايه

هههههههههههه

و يا امل انتى بتذاكرى الادب ازاى؟ انا مخنوق منه

Dr-Ahmed · 21-09-2007, 10:26 AM

إقتباس:

المشاركة الأصلية بواسطة !!zizo bunny

ثانكس يا احمد و امل على المرور

و ليه مش عايزنا نخش طب امال نخش ايه

هههههههههههه

مش مسألة مش عايزكم .. أنا بس بانصح .. علشان اللي يدخل هوه حر ذنبه على جنبه ....يعني ما يرجعش يقول يا ريتني ما دخلت و يتندم .... يعني من الأخر لو دخلت الطب خليك راجل و استحمل

rehab89 · 21-09-2007, 11:59 AM

السلام عليكم
الموضوع جميل جدا يا زيزو ومتهيئلى فى ناس كتير هنا ثانويه عامة
انا الحمد لله خلصت منها ودخلت كليه صيدله مع انها فى حتة بعيدة اوى( التنسيق بقا )
بس الكليه اصعب بكتير يمكن ثانويه عامة اسهل وفى اهتمام درو س وكده
المهم بس فى المزاكرة التنظيم والمزاكرة اول باول

وتسلم ايدك عالموضوع الجميل ده

بوسي احمد · 21-09-2007, 03:46 PM

اهلا زيزو

مفيش عندنا الكلام ده رياضة وعلوم وكده

احنا بناخد رياضة وعلوم سوا

لسه معملوش اقسام

اما بالنسبه للدروس ففعلا مش باخد دروس اتعودت على اني مخدش دروس حتى لما كنت بدرس في مصر مكنتش باخد دروس

وبعقد على الكمبيوتر عشان طفشت من الثانوي وزهقت وحاسة اني احبطت

وباخد كيمياء واحياء وفيزيا ورياضيات وكل حاجة مع بعض في سنه

اما بالنسبه للادب

فالحمد لله اني مدخلتش ادبي

بس بجيب فيها درجات كويسة

و مذاكرة الادب سهلة مش صعبة انا اسلوبي فيها

بفتح الكتاب

احضر الدرس قبل ما اخده في المدرسة

واحضره كويس جدا واحفظ كل النقاط اللي فيه واحاول استخرج كل التعليلات والاسئلة

وبعدين لو فيه قصيدة احفظها

والشرح بتاع القصيدة بحاول افهمه على قدر ما اقدر واللي مش فهماه استنى لما اخد الدرس واكتب الشرح في الحصة

طبعا القصيدة كل متعلقتها بحفظها

من ناحية التعريف بالشاعر وقصة حياته

ومن ناحية الشرح والتعليق على النص

وكمان معاني المفردات

والاسئلة والتعليلات والصور والتشبيهات في القصيدة

كل ده بيتحفظ زي ما هو او الواحد بيفهمه

وبعدين يشرح بطريقته

يا ريت كانت على الادب وبس

انا بالاضافة لكل ده بدرس مواد دينية

ربنا يتولانا جميعا

لوجين · 21-09-2007, 04:33 PM

موضوع حلو أوى يا زيزو
أنا فى ثانويو عامة سنة تالتة السنة دى
و جبت فى تانية 92% و أنا حاليا علمى رياضة
أنا بالنسبة ليا معنديش مشكلة فى رياضة 2
بس مشكلتى فى الفيزيا
مش بعرف أحل المسائل غير بعد ما روحى تطلع
لو المسألة سهلة فممكن أحلها انما لو صعبة فبيجيلى شلل أطفال عشان أحلها و فى الآخر مش بعرف

يا ريت تقولى على طريقة أحل بيها المسائل قبل ما يحولونى على مستشفى الأمراض العقلية

و بالنسبة للأدب فهو تقيل شوية لأن كله حفظ بس سهل لأنه بيتحفظ بسرعة
و انت احفظ السؤال بالاجابة و بعدين سمعه لنفسك و بعدين اللى بعده و بعد اما تخلص تسمع لنفسك من الأول و جديد و أكيد حتلاقى نفسك نسيت أسئلة كتير بس ده طبعا عادى
بس لو حفظتهم تانى مش حتنساهم
أوكى

hamada_omar2 · 21-09-2007, 04:59 PM

انا يا احمد مستنى نتيجه الهيئه هتبان فى شهر 10 ادعولى عشان ابقى ضابط ده املى من صغرى والله

خيارات الموضوع
عرض نسخة للطّباعة ارسل هذه الصفحة لصديق
طريقة العرض	قيّم هذا الموضوع
النمط الخطي التحويل إلى النمط الشجري التحويل إلى النمط المتطوّر	قيّم هذا الموضوع:

مواضيع مشابهة
المواضيع	كاتب الموضوع	المنتدى	الردود	آخر مشاركة
.....ذكاء طالب ياباني ... مقال رائع قصير ....	"لولا"	اضحك كركر .. Fun Time	15	25-07-2008 04:15 AM
طالب يابانى يجنن الطلاب هههههههه	الفارس المجهول	اضحك كركر .. Fun Time	3	18-07-2007 02:46 PM
== شخصيات عرفها التاريــخ ==	=BASSEM=	قاعة ابن مصر العامة	66	27-09-2006 03:44 PM
طالب راسب في ممادة التعبير عارفين ليه !!!	sendrella	اضحك كركر .. Fun Time	0	19-04-2006 10:03 PM
.. اعتقال طالب بسبب مقالاته على شبكة الانترنت	محمدحسين	دهاليز السياسة	16	09-11-2005 11:16 AM