اعرف نــســـبـــــــــك

[نظرة الطائر]

من المفروض على كل إنسان مسلم أن يكون له نسب، ومن حقك أن تعرف نسبك وذلك لعدة أغراض نذكر منها على سبيل المثال:-
التفاخر
يقول رسول الله (ص) " تخيروا نسبكم فإن العرق دساس"
هناك مثل يقول " أطلبو الفضل من بطون شبعت ثم جاعت ولا تطلبو الفضل من بطون جاعت ثم شبعت " فإن أصحاب النسب فى أغلب الأحيان فى وقتنا الحالى هم أصحاب الفضل ولهم عادات وتقاليد أجدادهم وّلك بالفطرة وأكبر دليل على ذلك كما يتضح فى قوله تعالى " وكانا أبواهما صالحاً" فى صورة الكهف ، وعندما فسر العلماء هذه الآية قال أن " أبواهما " هو جدهم التاسع
ولأن أبواهما كان صالحاً حافظ الله على كنزهما .
لذلك يجب على كل واحد مننا أن يعرف نسبه وذلك عن طريق البحث فى الأماكن التالية :-
1 - مشيخة الأزهر بالدراسة
2 - دار المحفوظات بالقلعة

ونجد أ، النسب يهتم بهى سكان الوجه القبلى " خاصة فى محافظة قنا - أسوان _ سوهاج )



وأنتظرو الجزء الثانى من أعرف نسبك

[نظرة الطائر]

أتمنى يكون الموضوع عجبكم
على فكرة الناس فى وجه بحرى والدلتا لا يهتمو بهذا الموضوع مع إنه هام جداً
وعلى فكرة فى الصعيد فى أغلبية العائلات مينفعش حدمن عائلة لها نسب يتجوز واحدة من عاءله ليس لها نسب مهما مانت هذة العائله
ويعتبر النسب أهم شرط فى شروط الزواج فى الصعيد
ومينفعش حد يتجوز من عائلة ليس لها نسب مهما كانت إمكانياتها المادية أو المنصب .


ولو حد حاول يبحث عن نسبه ومعرفش يحاول يبحث عن أى خد من أقرباءة يكون ساكن فى الصعيد
ولو موجد ش حد
يكفيه إنه حاول

[المهاجـر]

اخي الفاضل لو تعرف موقع علي النت مهتم بالانساب ياريت تدلنا عليه بس ياريت يكون الموقع مصري

[هدايه]

مرحباً بالأخ الصعيدى

نحن نعتز بأهل الصعيد كثيراً

أنا دلتاوية و فعلاً هذا الموضوع لا يهمنا مطلقاً حتى أننا نبتعد عن زواج الأقارب و لا نميل له

و لا أعرف اذا كان الصعيد لا يزال يتمسك بهذه القوانين أم لا

لكن أعرف أنه عادة من عادات النوبة أيضاً و هم على تمسك شديد بها

فهل يمكن للجيل الجديد بعد التعليم ووصول كل من الشباب و البنات فى الصعيد الى الجامعة أقول هل يمكن أن يكسروا هذه القاعدة بالذات أنه ثبت أن زواج الأقارب يؤدى الى ظهور أمراض وراثية فى الأبناء


على فكرة معنا فى المنتدى الأخ حسين و هو من أهل الصعيد و تزوج جارته و هى قاهرية

احتمال تكون هذه العادة لأهل الصعيد المقيمين فى الصعيد

[هدايه]

صحيح أنا نسيت
هو فيه حد ماعندوش نسب ؟

يعنى ايه عنده نسب من مفهومكم ؟

يعنى عائلة كبيرة و عزوة و مال و للا ايه ؟

[المهاجـر]

نرجسية :
اولا انا من الصعيد ؛ أما زواج الاقارب في الصعيد فهو موجود بس مش بالصورة الي بتتخيليها يعني ممكن يكون في ود او حب بين اي شخص واحدى اقرباءة ايه المانع انه يتزوج .
علي فكرة والدي متزوج في السبعينيات متزوج من عائلة اخرى مع العلم كان ممكن يتزوج من العائله وعمى الاخر تزوج بنت عمه وعمى الاخر تزوج من بلدة اخرى غير البلدة وانا خاطب بنت خالي مش مجبر ولا شئ من هذا القبيل
اما النسب في بعض الاماكن او العائلات بتتعصب للقبليه

[ايمن فراج]

معرفه نسب جمال احمد محمد سالم رفاعي

[amr_miza]

كنت بحثت فى نسب عائلتى " مغيث " وتوصلت إلى



فى الاصل من الجزيرة العربية رجلان ينتسبان لـ " مغيث " وقد أتيا بصحبة عمرو بن العاص لفتح مصر وشمال افريقيا ..

ثم تكونت عائلة مغيث فى بلاد الأندلس .. وكان أحدهم وزيرا للخفلية وقتذاك

ثم عادت العائلة بعد ذلك واستقرت بمصر وليبيا


اى اننى من الجزيرة العربية والاندلس ومصر
وانا الان
مصــــــــــــــرى
وافخر بذلك

[tharwat]

شكرا جزيلا ياعزيزى

[نيهال]

ميت اللى وصلك المعلومه دى بس؟؟
طيب انا بعيش فى بحرى ........ وبيعتبر النسب ضرورى جدا علشان تتم الموافقه على الامر
دون النظر الى الامكانيات الماديه بعد ذلك........

لان فيه كتير معاهم الماده ولكن وينه اصلهم.....تجد ان الاصل معدوم

فيه حاجه اسمها تكافؤ اجتماعى.....وبيعتبر من اهم شروط الارتباط

[عتاب]

بما ان والدي ووالدتي من الصعيد
وانا قضيت اغلب طفولتي هناك ومازلت باسافر هناك في الاجازات
فانا شايفه ان مفيش فكرة جواز القرايب دي (على الاقل في المنيا )
شايفاهم بيبصوا لأي عروسة عادي مهما كانت من اي مكان
اه بيهتموا بالنسب
والنسب هنا معناه الاصل الطيب مش الجاه ولا المال
انما مش لازم حكاية القرابة

[عتاب]

تم دمج الموضوعين بواسطتي

[ابتسامة الحياة]

السلام عليكم ورحمة الله وبركاته
اولا حكاية زواج الاقارب دى فعلا معدتش زى الاول خالص
بقى عادى الزواج من اى مكان
طالما ان العائلة او الاسرة الاخرى تتمتع بالاخلاق والاصل

[محمود عشرى]

شكرا لاجمل واحسن منتدى عربى اصيل

[د. محمد رضا]

احنا برضو حكاية النسب عندنا مش مهمه

المهم التكافؤ

مدامت مسلمه ومحترمه ومتكافئه مفيش مانع

مع ان اصلي يرجع لشمال الصعيد عائلة الجابري

----------------------------------

لو حد يعرف جابري من الشمال يتصل بينا على هاتف البرنامج 765745645756847645645

واوعده محدش هيعبره ههههههه